30-دان استام جوو مەملەكەتتىك ءبىلىم بەرۋ تاپسىرىسىن ورنالاستىرۋعا جىبەرىلمەدى, دەپ حابارلايدى Egemen.kz مينيسترلىكتىڭ ءباسپاسوز قىزمەتىنە سىلتەمە جاساپ.
جوعارى جانە جوعارى وقۋ ورنىنان كەيىنگى ءبىلىمى بار كادرلاردى دايارلاۋعا ارنالعان مەملەكەتتىك تاپسىرىستى ورنالاستىرۋ جونىندەگى رەسپۋبليكالىق كونكۋرستىق كوميسسيانىڭ قۇرامىنا پارلامەنت دەپۋتاتتارى, مۇددەلى مەملەكەتتىك ورگاندار, "اتامەكەن" قر ۇكپ مەن قر جوعارى وقۋ ورىندارى قاۋىمداستىعىنىڭ وكىلدەرى, قوعام قايراتكەرلەرى, ونىڭ ىشىندە قر پرەزيدەنتى جانىنداعى ۇلتتىق قوعامدىق سەنىم كەڭەسىنىڭ مۇشەلەرى كىردى.
رەسپۋبليكالىق كوميسسيانىڭ شەشىمى بويىنشا كونكۋرس تالاپتارىنا سايكەس كەلمەيتىن 30-دان استام جوو 2020-2021 وقۋ جىلىنا ارنالعان مەملەكەتتىك ءبىلىم بەرۋ تاپسىرىسى ورنالاستىرىلاتىن جوو-لاردىڭ تىزىمىنەن الىپ تاستالدى. بايقاۋعا بارلىعى 108 جوو قاتىستى. مەملەكەتتىك تاپسىرىس ورنالاستىرىلعان جوو-لاردىڭ سانى قىسقاردى.
تاپسىرىستى ورنالاستىرۋ كەزىندە ەسكەرىلگەن كريتەريلەر: جوو-نى ءبىلىم بەرۋ باعدارلامالارى بويىنشا اككرەديتتەۋ, تۇلەكتەردىڭ جۇمىسقا ورنالاسۋى, باعدارلامالاردىڭ ساپاسى جانە جوو-نىڭ «اتامەكەن» ۇكپ رەيتينگىندەگى پوزيتسياسى.