كوپبالالى انالاردى قولداۋ ءۇشىن بىرقاتار باعدارلامالار جۇزەگە اسىرىلۋدا, دەپ حابارلايدى Egemen.kz.
وتكەن جىلى بارلىق اۋداندا كوپبالالى جانە از قامتىلعان وتباسىلارىنا ارنالعان "باقىتتى وتباسى" الەۋمەتتىك جوباسى اشىلعان بولاتىن. جوبا اياسىندا ايەلدەردى ىسكەرلىك بەلسەندىلىككە تارتۋ ماقساتىندا "ىسكەر انا" باعدارلاماسى ىسكە اسا باستاعانى بەلگىلى. كۋرستا كاسىپكەرلىكتىڭ الىپپەسى ۇيرەتىلەدى.
بيىل "ەڭبەك" ناتيجەلى جۇمىسپەن قامتۋدى جانە جاپپاي كاسىپكەرلىكتى دامىتۋ باعدارلاماسى اياسىندا كوپبالالى جانە از قامتىلعان وتباسىلاردان شىققان 700-گە جۋىق انا ءوز بيزنەسىن اشىپ, بيزنەس-يدەيالارىن جۇزەگە اسىرۋ ءۇشىن 200 اەك-كە دەيىنگى مولشەردە گرانت الدى. بۇگىندە ولار تىگىن مەن توقىما بۇيىمدارىن, ۇلتتىق كيىم مەن اشەكەيلەردى, ىدىس-اياقتار جانە باسقا دا تاۋارلاردى شىعارادى. بۇل ونىمدەرىن ولار تۇركسىب اۋدانىندا مەتسەناتتاردىڭ قولداۋىمەن اشىلعان "ىسكەر انا" ارنايى دۇكەنىندە ساتا الادى.