الماتىدا جاڭا جەدەل جاردەم كولىكتەرى كوبەيدى

بۇعان دەيىن قالاعا ءوجج اپپاراتتارى, پۋلسوكسيمەترلەر جانە وتتەگى كونتسەنتراتورلارى بار گۋمانيتارلىق جۇك كەلگەن بولاتىن.

بۇل كومەك "سامۇرىق-قازىنا" اق مەن قر دەنساۋلىق ساقتاۋ مينيسترلىگى اراسىنداعى ىنتىماقتاستىق تۋرالى مەموراندۋم اياسىندا كورسەتىلدى. "سامۇرىق-قازىنا" اق كومپانيالار توبى قايىرىمدىلىعىنىڭ بىرىڭعاي وپەراتورى – "Samruk-Kazyna Trust" الەۋمەتتىك جوبالاردى دامىتۋ قورى قاجەتتى جابدىقتاردى ساتىپ الىپ, ولاردى وڭىرلەرگە جىبەردى.

وسىلاي الماتىعا 5 وكپەنى جاساندى جەلدەتۋ اپپاراتى ء(وجج), 10 وتتەگى كونتسەنتراتورى, 80 پۋلسوكسيمەتر جەتكىزىلدى. سونداي-اق, وبلىسقا Shevrolet Damas ماركالى 4 جەدەل جاردەم كولىگى كەلدى.

ء"بىز "سامۇرىق-قازىنا" كومپانيالار توبىنا كورسەتكەن كومەگى ءۇشىن ريزامىز. وتاندىق مەديتسينا العاش رەت وسىنداي ۇلكەن قاۋىپپەن بەتپە-بەت كەلدى. تاپ بولدى. ەلىمىزدە كوروناۆيرۋسپەن كۇرەستە الدىڭعى قاتاردا تۇرعانداردى قولداۋعا دايىن كوپتەگەن ازاماتتاردىڭ بار ەكەنىنە وتە قۋانىشتىمىز. ءبىزدىڭ ىنتىماقتاستىعىمىز الداعى ۋاقىتتا دا جالعاسا بەرەدى جانە ورتاق كۇش-جىگەرمەن ءبىز جاقىن ارادا قالىپتى ومىرگە ورالا الامىز دەپ ۇمىتتەنەمىز", – دەيدى الماتى قالاسى قوعامدىق دەنساۋلىق باسقارماسىنىڭ باسشىسى كامالجان نادىروۆ.

ايتا كەتەيىك, مۇنداي جيىنتىقتاردى ءاربىر وبلىس, سونداي-اق رەسپۋبليكالىق ماڭىزى بار قالالار الادى.

"بۇل شارالاردىڭ بارلىعى ءبىزدىڭ مەديتسينامىزدىڭ جۇقپالى اۋرۋلارمەن, سونىڭ ىشىندە COVID-19 كوروناۆيرۋستىق ينفەكتسيامەن كۇرەسۋگە دايىندىق دەڭگەيىن ارتتىرۋعا جانە ۇلتتىق دەنساۋلىق ساقتاۋ جۇيەسىن نىعايتۋعا باعىتتالعان", – دەيدى "Samruk-Kazyna Trust" قورىنىڭ رەسمي وكىلى ميراس ىرگەباەۆ.

جانە مەموراندۋم اياسىندا رەسپۋبليكا بويىنشا دەنساۋلىق ساقتاۋ جۇيەسىن ۇيىمداستىرۋعا 100 جەدەل جاردەم كولىگى, 1 000 وتتەگى كونتسەنتراتورى, 50 ءوجج اپپاراتى, 1 000 پۋلسوكسيمەتر جەتكىزىلەتىن بولادى.

الماتى