2020 جىلدىڭ 10 قىركۇيەگىنەن باستاپ مالديۆ ارالىنا كەلگەن تۋريستەر مەن قىسقامەرزىمدى كەلۋشىلەر پتر-دەن تەرىس ناتيجە جانە دەنساۋلىق جاعدايى تۋرالى دەكلاراتسيا تاپسىرۋى كەرەك, دەپ حابارلايدى Egemen.kz.
مالديۆ ارالىنا ۇشار الدىندا تۋريستەرگە:
-جونەلتۋگە دەيىن 72 ساعاتتان ەرتە ەمەس - ۇكىمەت ماقۇلداعان, ليتسەنزيالاعان نەمەسە تىركەگەن زەرتحانادا پتر-سىناعىن وتكىزىپ, ودان سەرتيفيكاتتىڭ تۇپنۇسقاسىن الىڭىز. سەرتيفيكاتتا زەرتحانانىڭ اتاۋى مەن مەكەنجايى, سىناقتىڭ تەرىس ناتيجەسى, زەرتحانالىق ءمور, سىناق كۇنى, ناتيجە بەرگەن ادامنىڭ اتى-ءجونى جانە قولى كورسەتىلۋى كەرەك;
-ساپارعا شىعار الدىندا 24 ساعاتتان ەرتە ەمەس ۆەب-سايتتا دەنساۋلىق تۋرالى دەكلاراتسيا پاراعىن (HDF) تولتىرىڭىز, QR كودىن ەلەكتروندى پوشتا ارقىلى الىڭىز جانە ونى تەلەفونىڭىزعا جۇكتەڭىز;
-COVID-19 سىناعىنىڭ وڭ ناتيجەسى بولعان جاعدايدا شىعىنداردى جاباتىن مەديتسينالىق ساقتاندىرۋدى الدىن الا الىڭىز. دەنساۋلىق تۋرالى دەكلاراتسيا نىسانىن (HDF) بارلىق كەلۋشىلەر تولتىرۋى جانە ەكى رەت تاپسىرۋى كەرەك - الدىمەن مالديۆكە كەلگەننەن كەيىن, سودان كەيىن مالديۆتەن كەتەر الدىندا.
مالديۆ ارالدارىنا ۇشاتىن اۆياكومپانيالاردىڭ وكىلدەرى ۇشۋ الدىندا اۋەجايدا قۇجاتتاردى تەكسەرەدى. ال تاعايىندالعان اۋەجايعا كەلگەننەن كەيىن قۇجاتتاردى كوشى-قون وفيتسەرى تەكسەرەدى. ول دەنساۋلىق دەكلاراتسياسىمەن بىرگە QR كودىن سۇرايدى.
ونلاين-فورماسىز كەلگەن قوناقتار اۋەجايدا نىساندى تولتىرۋعا ءماجبۇر بولادى, بۇل ولاردىڭ قوناق ۇيىنە كەشىگىپ كەلۋىنە اكەلۋى مۇمكىن.
ءباا ارقىلى ترانزيتتىك جولمەن مالديۆكە ۇشاتىن تۋريستەر ءباا مەن مالديۆ ارالدارىنا كىرۋگە جارامدى COVID-19 ءۇشىن بىرىڭعاي پتر سىناعىن تاپسىرادى. بۇل جاعدايدا ءتۋريستتىڭ وزىمەن بىرگە ناتيجەلەردىڭ ەكى داناسى بولۋى كەرەك. ءباا ارقىلى ترانزيتپەن قايتاتىن رەيستە تۋريستەرگە جاڭا پتر سىناعى قاجەت بولادى. مالديۆ قوناق ۇيلەرى ونى جەتكىزۋدى ۇيىمداستىرۋعا كومەكتەسەدى.
اۋەجايدا ىشكى ساياحات كەزىندە جانە بارلىق جابىق قوعامدىق ورىنداردا تۋريستەر ماسكا كيۋى كەرەك. مالديۆ ارالدارىنا كىرۋدىڭ قالعان ەرەجەلەرى وزگەرگەن جوق: 30 كۇندىك ۆيزا بارلىق ەلدەردىڭ ازاماتتارىنا كەلگەن كەزدە تەگىن بەرىلەدى.