كەشە پەتروپاۆلدا اسكەري ينستيتۋتتىڭ ءبىرىنشى كۋرس كۋرسانتتارى وتانعا ادال بولۋعا انت بەردى, دەپ حابارلايدى Egemen.kz.
وقۋ ورنىنىڭ Instagram-كانالى بويىنشا ونلاين وتكىزىلگەن شاراعا بارلىق 200 كۋرسانت قاتىستى.
ەندى وسى 200 جاس ءتورت جىل بويى ينستيتۋت قابىرعاسىندا اسكەري تارتىپپەن وقىپ, ءبىلىم الاتىن بولادى. بۇل وقۋ ورنىندا جايباسارلىق جوق, قاتاڭ رەجىم قالىپتاسقان. ول جاستاردىڭ بويىندا جىگەر, جيناقىلىق, باسى-بويىن ارقاشان سەرگەك ۇستاۋعا قالىپتاستىرادى.
انتتى وقۋ ورنى باستىعىنىڭ ورىنباسارى, پولكوۆنيك ءىلياس ساعىندىقوۆ قابىلداپ, كۋرسانتتاردى قۇتتىقتادى.