قازاقستاندا ەپيدەميالىق احۋال تۇراقتالدى – ا.تسوي

مينيستر بايانداعانداي, قازىرگى كەزدە كوروناۆيرۋس ينفەكتسياسىمەن سىرقاتتانۋشىلىق بويىنشا ەپيدەميالىق احۋالدى تۇراقتاندىرۋعا قول جەتكىزىلدى.  9 قىركۇيەكتە COVID-19 ناتيجەسى وڭ بولعان 106 498 ناۋقاس تىركەلدى, سوڭعى تاۋلىكتە 73 ادام تىركەلدى. 4 810 ادام ەم الۋدا, 100 042 ادام اۋرۋحانادان شىعارىلدى (94%), 1 646 ادام قايتىس بولدى.

سونىمەن قاتار, قر-دا كوروناۆيرۋستىق ينفەكتسيانىڭ (پتر) 28 228 ىقتيمال جاعدايى تىركەلگەن. قاتاڭ شەكتەۋ شارالارىنىڭ ارقاسىندا 5 شىلدەدەن باستاپ توسەك-ورىنداردىڭ قامتىلۋى 6 ەسەگە, ونىڭ ىشىندە رەانيماتسيالىق توسەك-ورىنداردىڭ بوس بولماۋى 6,6 ەسەگە, سونداي-اق كۆي قاتىستى جەدەل مەديتسينالىق كومەكتى شاقىرۋ سانى 5,5 ەسەگە ازايدى.

ەمحانالار ۇيدە قىزمەت كورسەتۋ فورماتىنا كوشتى, ءموبيلدى بريگادالاردىڭ سانى 7,6 ەسە ءوسىپ, بۇگىندە 3640 ءموبيلدى بريگادا قۇرىلدى جانە بۇكىل ەل بويىنشا  جۇمىس ىستەيدى.

ء"بىزدىڭ ەلىمىزدەگى, ەۋروپانىڭ بىرقاتار ەلىندەگى جاعدايدى تۇراقتاندىرۋ اياسىندا, تامىزدىڭ باسىنان باستاپ كوروناۆيرۋس ينفەكتسياسىنىڭ ازيادا تارالۋىنىڭ كۇرت ءوسۋى بايقالادى. مىسالى, اۋرۋدىڭ ءوسۋى يتاليادا, اۆستريادا, يسپانيادا, گەرمانيادا, وڭتۇستىك كورەيادا, تۇركيادا بايقالادى. تمد ەلدەرىندە اۋرۋشاڭدىقتىڭ ورتاشا ءوسىمى 0,5% قۇرادى, بۇل قازاقستانداعىدان 5 ەسە جوعارى", دەدى ا. تسوي.