شوق جۇلدىزداي شاعىن عانا جاڭاقيما اۋىلىندا جاڭا سپورت زالى بوي كوتەرۋدە. ءبىر ايتا كەتەرلىگى, نىساننىڭ سالىنۋىنا اۋىل ادامدارىنىڭ وزدەرى جۇمىلعان, دەپ حابارلايدى Egemen.kz.
سپورتقا جاناشىر جاندار 2 ميلليون تەڭگە قاراجات جيناپتى. قالعان قارجىنى سىرتتا جۇرگەن اۋىل ازاماتتارى قوسپاق. جاڭا سپورت زالىندا كۇرەس, بوكس, فيتنەس زالدارى جانە ۇستەل ۇستىندەگى ويىندارى ورنالاستىرىلادى.
اۋىلداعى جەكە كاسىپكەر ناتاليا كوتسيۋبا ويىن بالالارى ءۇشىن ارنايى زال اشتى. جوبانىڭ قۇنى – 3 ميلليون تەڭگە. نەسىن ايتاسىز, مۇندا جاس ۇرپاقتىڭ جاعدايى قاپىسىز ويلاستىرىلۋدا. تاياۋدا بالالار ءدامحاناسى دا اشىلعان بولاتىن. وندا ءدامى ءتىل ۇيىرەتىن ءتاتتى تاعامدار ساتىلادى. قازىر بالالار عانا ەمەس, اتا-انالارى دا ءدام تاتۋدا. ءبىر ايتا كەتەرلىگى, ناتاليا «باستاۋ بيزنەس» باعدارلاماسى بويىنشا بىلىكتىلىگىن ارتتىرىپ, ءوز ءىسىن دوڭگەلەتىپ وتىر. شاعىن اۋىلداعى تىرشىلىكتىڭ ءتۇتىنى ءتۇزۋ ۇشىپ كەلەدى.