ن.تىلەنديەۆ شىعارمالارىنا ارنالعان ونلاين بايقاۋ وتەدى

وسى باستاما نەگىزىندە قازاقستان رەسپۋبليكاسى مادەنيەت جانە سپورت مينيسترلىگىنىڭ قولداۋىمەن جامبىل اتىنداعى قازاق مەملەكەتتىك فيلارمونياسى 2020 جىلدىڭ 30 قىركۇيەگى مەن 4 قازان ارالىعىندا كسرو حالىق ءارتىسى نۇرعيسا تىلەنديەۆتىڭ 95 جىلدىعىنا ارنالعان "القيسسا" فەستيۆالىن وتكىزۋدى جوسپارلاپ وتىر.

اتالعان فەستيۆال اياسىندا ن. تىلەنديەۆ اتىنداعى اكادەميالىق فولكلورلى-ەتنوگرافيالىق "وتىرار سازى" وركەسترىنىڭ جانە شاقىرتىلعان ارتىستەر مەن  ۇجىمداردىڭ قاتىسۋىمەن بىرقاتار ءىس-شارا, سونداي-اق, 1-29 قىركۇيەك ارالىعىندا كورنەكتى كومپوزيتوردىڭ شىعارمالارىن ورىنداۋدان مۋزىكالىق مەكتەپتەر, كوللەدجدەر مەن شىعارماشىلىق جوعارى وقۋ ورىندارىنىڭ وقۋشىلارى جانە مۋزىكالىق ۇجىمدار ارتىستەرى اراسىندا دومبىراشىلار مەن انشىلەردىڭ رەسپۋبليكالىق ونلاين-بايقاۋىن وتكىزۋ جوسپارلانۋدا.

فەستيۆال باعدارلاماسى:

1 – 29 قىركۇيەك دومبىراشىلار مەن انشىلەردىڭ رەسپۋبليكالىق بايقاۋى;29 قىركۇيەك  18:00 – ونلاين-بايقاۋ جەڭىمپازدارىن جاريالاۋ;30 قىركۇيەك 19:00 – فيلارمونيا ۇلكەن زالىندا فەستيۆالدىڭ اشىلۋى;1 قازان  16:00 – فيلارمونيانىڭ كامەرالىق زالىنا ن.تىلەنديەۆتىڭ ەسىمىن بەرۋ سالتاناتتى ءراسىمى (بارلىق سانيتارلىق تالاپتاردىڭ قاتاڭ ساقتالۋىمەن). 19:00 – كونتسەرت

2 قازان  17:00 – مۋزىكاتانۋشىلاردىڭ قاتىسۋىمەن ن.تىلەنديەۆتىڭ شىعارماشىلىعىنا ارنالعان كونفەرەنتسيا; 19:00 كونتسەرت 

3 قازان 15:00 – فيلارمونيانىڭ Youtube ارناسى ارقىلى كومپوزيتوردىڭ مەرەيتويىنا ارنايى دايىندالعان دەرەكتى ءفيلمنىڭ كورسەتىلىمى; 19:00 كونتسەرت 

4 قازان 19:00 – فەستيۆالدىڭ جابىلۋى, ارنايى شاقىرتىلعان ارتىستەردىڭ جانە ونلاين-بايقاۋ جەڭىمپازدارىنىڭ قاتىسۋىمەن گالا-كونتسەرت.

"بايقاۋدىڭ ماقساتى مەن ماڭىزى تەرەڭ. ۇلى كومپوزيتوردىڭ شىعارماشىلىعىن كەڭىنەن ناسيحاتتاۋ, ءپاتريوتيزمدى, رۋحاني-ادامگەرشىلىك ۇيلەسىمدىلىكتى دامىتۋ, جاس مۋزىكانتتاردىڭ قالىپتاسۋى مەن دامۋىنا ىقپال ەتۋ, ولاردىڭ شىعارماشىلىق الەۋەتىن ءىس جۇزىندە ىسكە اسىرۋعا جاردەم بەرۋ, كوركەمدىك تالعامىن تاربيەلەۋ, كاسىبي ءداستۇرلى مۋزىكا الەمىنە تارتۋ, رەسپۋبليكالىق بالالارعا جانە جاستارعا ءبىلىم بەرەتىن مەكەمەلەر مەن ۇجىمداردىڭ ءوزارا ارا-قاتىناسىن جانە تاجىريبە الماسۋىن ۇيىمداستىرۋ, كەلەشەكتە بىرلەسكەن شىعارماشىلىق جۇمىستار جاساۋىنا ىقپال ەتۋ; ەڭبەك نارىعىندا بولاشاق مۋزىكانتتار مەن ورىنداۋشىلاردىڭ باسەكەگە قابىلەتتىلىگىن قامتاماسىز ەتۋ, ولاردىڭ شىعارماشىلىق بەلسەندىلىگى مەن رۋحاني ءبىلىم دەڭگەيىن دامىتۋ جانە ۇلتتىق مۋزىكالىق مۇراعا دەگەن ىنتاسىن ارتتىرۋ", دەيدى ونەر ورداسىنىڭ ۇجىمى.

بايقاۋ 1-29 قىركۇيەك ارالىعىندا ونلاين فورماتتا وتەدى. 

بايقاۋ نوميناتسيالارى: 

 • "دومبىرا"

• "ۆوكال"

قوسىمشا مالىمەتتى  +7 702 8098007 تەلەفون نومىرىنەن نەمەسەonline_fest_otyrar@mail.ru ەلەكتروندى مەكەن-جايىنان الۋعا بولادى.