سىبايلاس جەمقورلىققا قارسى ءىس-قيمىل دەپارتامەنتىنىڭ مالىمەتىنشە, قوستاناي اۋدانى اكىمدىگىنىڭ بىرنەشە لاۋازىمدى تۇلعالارى وزدەرىنىڭ قىزمەتتىك وكىلەتتىگىن اسىرا پايدالانعان دەگەن كۇدىككە ءىلىنىپ وتىر, دەپ حابارلايدى Egemen.kz
قوستاناي وبلىسىنىڭ انتيكوررۋپتسيالىق قىزمەتى اتالمىش اۋدان اكىمدىگىنىڭ لاۋازىمدى تۇلعالارىنا قاتىستى سوتقا دەيىنگى تەرگەۋ جۇمىستارىن باستادى.
كۇدىكتىلەر زارەچنىي اۋىلىندا قۇرىلىس-مونتاج جۇمىستارىن شوب سۋبەكتىسى بولىپ تابىلاتىن سەرىكتەستىك باسشىسىن زاڭسىز ماجبۇرلەگەن. كۇدىكتىلەر شاعىن جانە ورتا بيزنەس وكىلى بولىپ تابىلاتىن سەرىكتەستىك باسشىسىن زارەچنىي اۋىلىندا گاز قۇبىرىن ورناتۋ ءۇشىن جۇرگىزىلگەن قۇرىلىس-مونتاج جۇمىستارىنا 10,8 ملن تەڭگە اۋدارۋعا زاڭسىز ماجبۇرلەگەن.
– قازىر تەرگەۋ امالدارى جالعاسىپ جاتىر. لاۋازىمدى تۇلعالاردىڭ كىناسى سوت شەشىمىمەن انىقتالادى, – دەدى سىبايلاس جەمقورلىققا قارسى كۇرەس قىزمەتىنىڭ باس مامانى ەۆگەني بەدىچ.