بورودۋليحا اۋدانى, جاڭا ءشۇلبى اۋىلىندا الكاگولدى ىشىمدىك ىشكەن جۇرگىزۋشى ءتورت بالانى قاعىپ كەتكەن, دەپ حابارلايدى Egemen.kz.
وبلىستىق ءباسپاسوز قىزمەتىنىڭ مالىمەتىنە سۇيەنسەك, 5 قىركۇيەك كۇنى كەشكى جەتىگە تاياۋ "Mitsubishi Chelenger" اۆتوكولىگىنىڭ جۇرگىزۋشىسى رولگە يە بولا الماي, جول شەتىندە ويناپ جۇرگەن ءتورت بالانى قاعىپ كەتتى. انىقتالعانداي, تىزگىندەگى 31 جاستاعى ەر ادام ماس كۇيدە بولعان.
وكىنىشكە وراي, 10 جاستاعى قىز بالا جاراقاتتاردىڭ اسەرىنەن جەدەل جاردەم كولىگىندە كوز جۇمدى. باسقا بالالار اۋرۋحاناعا جەتكىزىلدى.
كولىك جۇرگىزۋشىسى اۋداندىق پوليتسيا ءبولىمىنىڭ ۋاقىتشا ۇستاۋ يزولياتورىنا قامالدى. ورىن العان وقيعا بويىنشا سوتقا دەيىنگى تەرگەۋ امالدارى باستالدى.
شقو