"جاستار" عىلىمي-زەرتتەۋ ورتالىعى ءتورت جاڭا جوبانى تانىستىردى

ونلاين ماجىلىسكە قر اقپارات جانە قوعامدىق دامۋ مينيسترلىگىنىڭ, ايماقتىق جاستار رەسۋرستىق ورتالىعىنىڭ جانە "جاستار" عزو وكىلدەرى قاتىستى.

​پرەزيدەنتتىڭ تاپسىرمالارى مەن شەشىمدەرىن تالقىلاعان ماجىلىسكە قاتىسۋشىلار ءبىراۋىزدان "جاڭا جاعدايداعى قازاقستان: ءىس-قيمىل كەزەڭى" جولداۋى ەلىمىزدىڭ ارى قاراي دامۋىنا, انتيكريزيستىك جاعدايلاردى دەر كەزىندە شەشۋگە, حالىقتىڭ الەۋمەتتىك جاعدايىن جاقسارتۋعا باعىتتالعانىن جانە وسى ورايدا بارلىق سالانى قامتىعانىن ايتتى. ال قر اقپارات جانە قوعامدىق دامۋ مينيسترلىگى جاستار جانە وتباسى جونىندەگى كوميتەتتىڭ توراعاسى شاحماردان بايمانوۆتىڭ پىكىرىنشە پرەزيدەنت جولداۋىن تەك بارشا قازاقستاندىقتار بولىپ بىرلەسە جۇمىلعاندا عانا جۇزەگە اسىرۋعا بولادى.

​"جولداۋدا ەلىمىزدىڭ الەۋمەتتىك-ەكونوميكالىق, ساياسي دامۋىنىڭ بارلىق اسپەكتىلەرى كورسەتىلگەن. جولداۋ باسىندا پرەزيدەنت ەلىمىزدىڭ ەكونوميكالىق دامۋى حالىقتىڭ قوعامدىق-ساياسي جاڭعىرۋىنا تىكەلەي بايلانىستى ەكەندىگىن ايتتى. بۇل وتە تۇيتكىلدى وي جانە ماڭىزدى باعىت. سوندىقتان, جولداۋدىڭ ءتيىمدى جۇزەگە اسۋى ءۇشىن ءبىرىنشى كەزەكتە بارشا ازاماتتاردىڭ بىرلىگى مەن حالىق ساناسىنىڭ جاڭعىرۋى قاجەت", - دەدى شاحماردان بايمانوۆ.

​ايتا كەتەيىك, ونلاين ءماجىلىستى مەملەكەت باسشىسىنىڭ جولداۋىن ايماقتىق جاستار رەسۋرستىق ورتالىقتارىنا ءتۇسىندىرۋ جۇمىستارىن جۇرگىزۋ ماقساتىندا "جاستار" عزو ۇيىمداستىردى. وسى ورايدا "جاستار" عىلىمي-زەرتتەۋ ورتالىعىنىڭ ديرەكتورى ايان ساكوشەۆ جىلدىڭ سوڭىنا دەيىن جۇزەگە اسۋى ءتيىس جاڭا جوبالاردى دا تانىستىردى.

ء​"ماجىلىس بارىسىندا 4 جاڭا جوبانى تانىستىردىق. ولار جاقىن كۇندەرى ءوز جۇمىستارىن باستايدى. بۇل ءبىرىنشى كەزەكتە الەۋمەتتىك وسال ساناتتاعى جاستارمەن جۇمىس جاساۋعا باعىتتالعان جوبالار. پاندەمياعا بايلانىستى بارلىق شارالار ونلاين تۇردە جۇزەگە اساتىن بولادى. بۇل ءۇشىن ءبىز ونلاين پلاتفورمالاردى جانە الەۋمەتتىك جەلىلەردى پايدالانامىز", - دەدى ايان ساكوشەۆ.

​ «Jastarga – kenes», «Jastarga – bilim», «Jastarga – qyzmet», «Jastarga – jumys» جوبالارى قىركۇيەك ايىنىڭ ورتاسىنا دەيىن ءوز جۇمىسىن باستايدى دەپ جوسپارلانۋدا.