الماتىدا ونەركاسىپتىك پارك جۇمىسى تانىستىرىلدى

"Almaty Finance" كومپانياسى جوبالاردى سۇيەمەلدەۋ دەپارتامەنتى ديرەكتورى نۇرجان سادىقوۆ نىسانداعى قولداۋ جۇيەسىنە توقتالدى.

جوبانىڭ باستى ماقساتى قولدانىستاعى وندىرىستىك عيمارات الاڭدارىن قايتا جوندەۋدەن وتكىزىپ, جەتىلدىرۋ. سونىمەن قاتار, وسى ونەركاسىپتىك پارك اۋماعىندا بىرىڭعاي كلاستەر قۇرۋ مىندەتى قويىلدى. بىلايشا ايتساق, وسىعان ۇقساس باعىتتاعى جوبالاردى ورنالاستىرۋ. عيمارات الاڭى بەلگىلەنگەن تومەن باعامەن جالعا بەرىلەدى. ياعني, 1 شارشى مەترىنىڭ باعاسى 1000-1200 تەڭگەگە تەڭ, ال جالعا بەرۋ مەرزىمى 5-7 جىل. ءبىرىنشى جوبا "Furtina" كومپانياسى جۇزەگە اسىراتىن جيھاز وندىرىسىنە قاتىستى. مۇندا ەكى ەسە جەتىستىككە قول جەتكەن. ياعني, ونەركاسىپتىك پارك قۇرىلىسىنا قولداۋ كورسەتۋ ناتيجەسىندە جيھاز جاساۋ جوباسى جۇزەگە اسىرىلۋدا. ەگەر ونەركاسىپتىك پاركتى جىلدىق 6% مولشەرلەمەمەن قارجىلاندىرىلسا, ال جيھاز جاساۋ جوباسىنا جىلدىق 2% مولشەرلەمەمەن قاراجات بولىنگەن. جەتى جىلعا دەيىنگى مەرزىمگە ينۆەستيتسيالىق جوبالاردى جۇزەگە اسىرۋ ءۇشىن, ال 3 جىلعا كوميسسياسىز كاپيتال اينالىمىنا قولداۋ كورسەتۋ ماقساتىندا جىلدىق 2–6% مولشەرلەمەمەن نەسيە بەرىلەدى.نەسيەلەندىرۋ باعدارلامالارىنىڭ ەرەكشەلىگى –كليەنتپەن تىكەلەي بايلانىسىپ, تولىقتاي قىزمەت تۇرلەرىن ۇسىنۋ.

"Almaty Finance" كومپانياسى وكىلىنىڭ ايتۋىنشا, كاسىپكەرلەر ءۇشىن تاعى دا بىرقاتار ارتىقشىلىقتار بار. اتاپ ايتساق, جوبانى قاراستىرۋ بارىسىندا ەشقانداي كوميسسيا الىنبايدى. بۇعان قوسا, سەرىكتەستەرگە "الماتى فينانس" كومپانياسى, "Qolday" كاسىپكەرلىك ورتالىعى, "الماتى" شاعىن قارجى ءۇيىمى ورنالاسقان "ينۆەستيتسيالار ۇيىندە" قىزمەت تۇرلەرى كورسەتىلەدى.سونداي-اق, قاراجاتتى قاراستىرۋ مەرزىمى 30 كۇننەن 5-10 كۇنگە دەيىن قىسقارتىلدى.الداعى ۋاقىتتا الماتى قالاسىندا وسى نداي تاعى التى ونەركاسىپتىك پاركتەردى قۇرۋ جوسپارلانۋدا. بۇعان قوسا, ينۆەستور كرەاتيۆتى يندۋستريا, الەۋمەتتىك نىسانداردى سالۋ, وڭدەۋ ونەركاسىبى جوبالارىن دامىتۋ, تۇراقسىز ساۋدا نىساندارى جەلىسىن دامىتۋ سالاسىنداعى جوبالارعا قولداۋ كورسەتپەك. "Almaty Finance" كومپانياسى وكىلدەرىنىڭ ايتۋىنا سۇيەنسەك, بۇلاردىڭ قاتارىنا ونەركاسىپتىك پاركتەر, قىزمەت كورسەتۋ ورتالىقتارى, "قولجەتىمدى جەردە" ورنالاسقان جاڭا فورماتتاعى دۇكەندەر جاتادى.قازىرگى ساتتە, باعدارلاما اياسىندا 6,6 ملرد. تەڭگە سوماسىنا 29 جوبا ماقۇلداندى. ولاردىڭ ىشىندە, 17 جوبا 5,4 يلرد.تەڭگە كولەمىندە قارجىلاندىرىلىپ, 214 جۇمىس ورنى اشىلدى. سونداي-اق, 1,7 ملرد.تەڭگەگە تەڭ جوبالار قاراستىرىلۋدا.

ورتالىق پەن پەريفەريا اراسىنداعى ىسكەرلىك كليماتتاعى تەگەرىمسىزدىكتى جويۋ ءۇشىن, قالانىڭ جاڭا اۋداندارىنا, ونىڭ شەت ايماقتارىنا باستى نازار اۋدارىلادى."Ala Estate" جشس باسشىسى قانات بيدارالوۆتىڭ ايتۋىنشا, ونەركاسىپتىك پارك اۋماعىندا قازىرگى ساتتە كورپۋستىق جيھاز بەن مەديتسينالىق جانە ارنايى جيھاز وندىرەتىن كومپانيالار ورنالاسقان. قىركۇيەك ايىنىڭ سوڭىنا دەيىن مۇندا كەڭسە تاۋارلارى, ەكولوگيالىق قاپتامالار مەن بەتپەردەلەر وندىرەتىن كاسىپورىندار ىسكە قوسىلماق.