بۇگىن زايسان اۋدانى, قاراتال اۋىلىندا كەشكى ساعات التىلار شاماسىندا قاتتى داۋىل سوعىپ, بىرنەشە ءۇيدىڭ شاتىرىن ۇشىرىپ كەتكەن.
بۇرىن-سوڭدى مۇنداي جويقىن داۋىلدى كورمەگەن تۇرعىندار ابدىراپ قالعانى انىق. ناقتىراق ايتساق, تابيعاتتىڭ توسىن مىنەزى 25 نىسانعا زاقىم كەلتىرگەن. ونىڭ ون بەسى تۇرعىن ءۇي. ابىروي بولعاندا, ادامدار امان.
زايسان اۋدانى اكىمىنىڭ ورىنباسارى سەرىك تىلەمىسوۆتىڭ ايتۋىنشا, تابيعي اپات ورىن العان اۋىلدى توتەنشە جاعداي كوميسسياسى كورىپ قايتتى. الداعى ۋاقىتتا قوسىمشا اقپاراتتار بەرىلەدى.