كسرو حالىق ءارتىسى 84 جاسار الەكسەي باتالوۆ الاياقتاردىڭ تۇساۋىنا تۇسكەن سەكىلدى. بۇل تۋرالى Argumenti.ru حابارلادى.
الەكسەي باتالوۆتىڭ جۇبايى گيتانا اركادەۆنا لەونتەنكونىڭ ايتۋى بويىنشا, ولاردىڭ كورشىسى اكتەردىڭ قولتاڭباسىن سۇراپ كەلگەن ەكەن. الايدا, ول قولتاڭباعا قاراپايىم پاراقتىڭ ورنىنا ءۇيدى يەلەنۋگە قۇقىق بەرەتىن سىيلىق قۇجاتىن ۇسىنعان كورىنەدى. كورشىسىنەن كۇماندانباعان ءارتىس بايقاۋسىزدا قۇجاتقا قول قويىپ جىبەرگەن. زاڭ بويىنشا ءۇيدى يەلەنۋ قۇقىعى كورشىسىنە وتەتىنىن بىلگەن الەكسەي باتالوۆ ەسىنەن تانىپ قالىپ, اۋرۋحانادان ءبىر-اق شىقتى.
14 قازاندا اكتەر مەن ونىڭ كورشىسى اراسىندا وتكەن سوت ماسەلەنى قاراستىرۋدى كەيىنگە قالدىردى. بۇل وقيعاعا بايلانىستى اندرەي مالاحوۆتىڭ «پۋست گوۆوريات» باعدارلاماسىندا دا ماسەلە كوتەرىلگەن بولاتىن.
ايدار ورىسباەۆ.