الماتىدا تۋبەركۋلەزدى ەرتە انىقتاۋ شارالارى باستالدى

1–30 قىركۇيەك ارالىعىندا ءبىرىنشى سىنىپ وقۋشىلارى اراسىندا تۋبەركۋلەزگە قارسى رەۆاكتسيناتسيا جۇرگىزىلەدى.

پروتسەدۋرا بالالاردى وقىتۋ نىسانىنا قاراماستان, قاشىقتىقتان نەمەسە كۇندىزگى ۋاقىتتا مەكتەپتەردىڭ ەگۋ كابينەتتەرىندە جۇرگىزىلەدى.مۇنداي تاجىريبە كارانتيندىك شارالار ەنگىزىلگەنگە دەيىن قولدانىلدى. الماتى قالاسى اكىمدىگىنىڭ ءباسپاسوز قىزمەتىنىڭ مالىمەتى بويىنشا, 1 قىركۇيەككە دەيىن ۋچاسكەلىك دارىگەرلەر مانتۋ سىناماسى بويىنشا تەكسەرىلەتىن 1-سىنىپ وقۋشىلارىنىڭ ءتىزىمىن جاسادى.4 قىركۇيەكتە اتا-انالار مەن بالالاردى مەكتەپكە مانتۋ سىناماسىنا جانە بتسج رەۆاكتسيناتسياسىنا شاقىرا باستادى.ءاربىر ءبىلىم بەرۋ مەكەمەسىندە 4-تەن 8-گە دەيىن ءبىرىنشى سىنىپتار بولعاندىقتان, وقۋشىلار كوپ جينالماس ۋاقىت ارالىقتارى مەن فيزيكالىق قاشىقتىقتى ساقتاي وتىرىپ, كەستەگە سايكەس شاقىرىلادى.

«№11 قالالىق ەمحانا جەتىسۋ اۋدانىنىڭ 6 مەكتەبىنە قىزمەت كورسەتەدى, ولاردىڭ ارقايسىسىندا ءبىزدىڭ ارىپتەستەر تاڭعى ساعات 9.00-دەن باستاپ جۇمىس ىستەيدى. بارلىق سىنىپتاردا ساباق كەستەسى ءارتۇرلى بولعاندىقتان, سول ساباق كەستەسىنە بايلانىستى قۇرىلدى جانە وقۋشىلاردىڭ باسىم كوپشىلىگى قاشىقتىقتان وقيدى. 6 مەكتەپ بويىنشا 800-گە جۋىق 1-سىنىپ وقۋشىلارىن قامتۋدى جوسپارلاپ وتىرمىز.

بيىل اتا-انالار اراسىنداعى جوعارى بەلسەندىلىكتى اتاپ وتكىمىز كەلەدى. كوروناۆيرۋستىق ينفەكتسيا بويىنشا ەپيدەميولوگيالىق جاعدايعا بايلانىستى باس تارتۋدىڭ بىرنەشە جاعدايلارى دا كەزدەستى» – دەپ №11 قالالىق ەمحانانىڭ باس دارىگەردىڭ ەمدەۋ-پروفيلاكتيكالىق جۇمىستار جونىندەگى ورىنباسارى الماش ارداباەۆا پىكىر ءبىلدىردى.

پروتسەدۋرا اتا-انالاردىڭ ەرىكتى تۇردە كەلىسىم بەرىلگەننەن كەيىن جۇزەگە اسىرىلادى.

مانتۋ سىناماسى مەن بتسج رەۆاكتسيناتسياسى اراسىنداعى ارالىق 3 كۇننەن 14 كۇنگە دەيىن بولادى. تۋبەركۋلەزگە قارسى رەۆاكتسيناتسيا ناۋقانىنا جۇمىس تاجىريبەسى بار بىلىكتى ماماندار تارتىلعان. مەكتەپتەر مەن ەمحانالاردىڭ مەديتسينا قىزمەتكەرلەرى مانتۋ سىناماسىن قويۋ تەحنيكاسىنىڭ ەرەجەلەرى, تۋبەركۋلەزگە قارسى ەگۋلەر جۇرگىزۋ, يممۋنداۋدان كەيىن قولايسىز كورىنىستەردىڭ دامۋى جاعدايىندا شۇعىل كومەك كورسەتۋ ادىستەرى بويىنشا الدىن الا دايىندىقتان ءوتتى.

بتسج رەۆاكتسيناتسياسىن جۇرگىزۋ كەزەڭىندە 1-سىنىپ وقۋشىلارىنا مەكتەپتەردە باسقا ەكپەلەر جۇرگىزۋ توقتاتىلادى. بيىلعى جىلدىڭ 25 جەلتوقسانىنا دەيىن مانتۋ سىناماسىنىڭ تەرىس ناتيجەسى كەزىندە بتسج رەۆاكتسيناتسياسىن جۇرگىزە وتىرىپ, كۇماندى رەاكتسياسى بار 1-سىنىپ وقۋشىلارىنىڭ مانتۋ سىناماسى بويىنشا قايتا (3 ايدان كەيىن) تەكسەرۋدەن وتەدى.