وبلىس ورتالىعى تۇركىستاندا قالا اكىمىنىڭ قاداعالاۋىمەن جىلۋ قازاندىعىن سۇيىق وتىن تۇرىنە وتكىزۋ جۇمىستارى جۇرگىزىلۋدە. كۇنى كەشە "جىلۋ" مەكەمەسىنە بارعان حالىقتىق توپ مۇشەلەرى كوپقاباتتى ۇيلەردىڭ جىلۋ ماۋسىمىنا دايىندىعى بويىنشا اقپارات الدى, - دەپ حابارلايدى Egemen.kz.
مەكەمە باسشىسى ەرعازى رىسبەكوۆ كەستەگە ساي جۇرگىزىلىپ جاتقان قۇرىلىس جۇمىستارىنا تارتىلعان 22 جۇمىسشىنىڭ 14-ءى جەرگىلىكتى تۇرعىندار ەكەنىن ايتىپ ءوتتى. ولار "حالىقتى جۇمىسپەن قامتۋ ورتالىعى" ارقىلى جۇمىسقا الىنعان. سونداي-اق كوپشىلىككە گاز تۇرىندەگى قازاندىق ىستەن شىعىپ قالسا, تۇرعىندارعا جىلۋ قالاي جەتكىزىلەتىندىگى جونىندە دە تۇسىنىك بەرىلدى. مەكەمە ول ءۇشىن كومىر الىپ قويعان جانە تەحنيكالىق قولايسىزدىق بولعان تۇستا, ادەتتەگىشە جىلۋ بەرىلمەك. بۇگىندە گەرمانيادان اكەلىنگەن قازاندىقتار ورناتىلىپ, مونتاج جۇمىستارى جۇرگىزىلۋدە. جارامدىعىنا ساي 50 جىل پايدالانىلادى دەپ كۇتىلگەن قازاندىقتار "وتىرار" مولتەك اۋدانىندا, ورتالىق مەشىت جانىنان دا ورناتىلۋدا.
ايتا كەتەلىك, بۇعان دەيىن ءبىر ماۋسىمعا 75 كوپقاباتتى ءۇي, 28 بيۋدجەتتىك جانە 55 كوممەرتسيالىق مەكەمە, 56 جەكە ءۇيدى جىلىتۋ ءۇشىن 16000 توننا كومىر جاعىلىپ, 123 ادام قىزمەت ەتكەن.