4 قىركۇيەكتە رەسپۋبليكانىڭ سولتۇستىگىندە, سولتۇستىك-شىعىسىندا, شىعىسىندا, وڭتۇستىك-شىعىسىندا اتموسفەرالىق فرونتالدى بولىكتەردىڭ وتۋىنە بايلانىستى اۋا رايى قۇبىلمالى بولادى, دەپ حابارلايدى Egemen.kz.
كاسىپورىن تاراتقان مالىمەتتەرگە قاراعاندا, رەسپۋبليكانىڭ كەي جەرلەرىندە نايزاعاي ويناپ, جاڭبىر جاۋادى. شىعىستا نوسەرلەتەدى.
قازگيدرومەت بولجامى بويىنشا ەلدىڭ قالعان اۋماعىندا كۇن جاۋىن-شاشىنسىز بولادى. رەسپۋبليكانىڭ كەي جەرلەرىندە جەل كۇشەيىپ, داۋىل تۇرادى, وڭتۇستىكتە شاڭدى داۋىل, سولتۇستىكتە جانە ورتالىقتا تۇمان تۇسەدى. كەي جەرلەرىندە بۇرشاق جاۋى ىقتيمال. جامبىل, شىعىس قازاقستان وبلىستارىنىڭ كەي جەرلەرىندە داۋىل تۇرىپ, جەل كۇشەيىپ, جىلدامدىعى سەكۋندىنا 15-20 مەترگە جەتەدى.
شىعىس قازاقستان وبلىسىنىڭ كەي جەرلەرىندە جەلدىڭ جىلدامدىعى سەكۋندىنا 25 مەترگە دەيىن جەتۋى مۇمكىن. بۇرشاق جاۋى ىقتيمال. تاۋلىك بويى اقمولا, تۇركىستان, سولتۇستىك قازاقستان, قاراعاندى, پاۆلودار, قوستاناي وبلىستارىندا, كۇندىز الماتى وبلىسىندا, تاڭەرتەڭ جانە كۇندىز قىزىلوردا وبلىسىنىڭ بىرقاتار وڭىرىندە جەل سەكۋندىنا 15-20 مەتر جىلدامدىقپەن سوعادى.
كۇندىز پاۆلودار وبلىسىندا ەكپىنى 25 م/س بولادى, اقمولا, تۇندە قاراعاندى وبلىستارىنىڭ كەي جەرلەرىندە تۇمان تۇسەدى.
تۇركىستان وبلىسىنىڭ كەي جەرلەرىندەدە شاڭدى داۋىل تۇرادى. قىزىلوردا وبلىسىنىڭ كەي جەرلەرىندە, اتىراۋ, الماتى وبلىسىنىڭ باتىسىندا, تۇركىستان وبلىسىنىڭ شىعىسىندا, باتىس قازاقستان وبلىسىنىڭ وڭتۇستىگىندە, قاراعاندى وبلىسىنىڭ وڭتۇستىك باتىسىندا توتەنشە ءورت قاۋپى ساقتالادى.