امانقاراعايداعى جاڭا ءبىلىم ورداسى

الايدا سانيتارلىق ساق­تىق تالاپتارىنا بايلانىس­تى ءبىلىم ورداسىنىڭ اشى­لۋ سالتاناتىنا اتا-انالار قاتىسا المادى. تەك وقۋ­شى­­لار مەن ۇستازدار قاۋى­مىنىڭ قاتىسۋىمەن وتكەن مە­رە­كەدە شاكىرتتەر ءان سالىپ, ولەڭ وقىپ, ونەرلەرىن ورتاعا سالدى.

سالتاناتتى شاراعا اۋدا­ن اكىمى ەرلان تەمەنوۆ ارنايى كەلىپ, كوپشىلىكتى جاڭا ءبىلىم عيماراتىنىڭ اشىلۋىمەن قۇتتىقتادى.

«وڭىردە جاستاردىڭ ساپالى ءبىلىم, سانالى تاربيە الۋى ءۇشىن قىرۋار شارۋا اتقارىلىپ جاتىر. سونىڭ ءبىر جارقىن دالەلى – بۇكىل جۇرت بولىپ كوپتەن كۇتكەن بۇگىنگى جاڭا مەكتەپتىڭ اشىلۋى. 320 ورىندىق بۇل ءبىلىم ورداسىندا بالالارىمىز مەملەكەتتىك تىلدە ءبىلىم الادى. ارينە قا­زىرگى جاعدايعا بايلانىس­تى وقۋشىلاردىڭ قا­شىقتان وقۋىنا تۋرا كە­لەدى. دەگەنمەن, بۇل قيىن­دىقتاردىڭ ءبارى ارتتا قا­لىپ, بالالاردىڭ مەكتەپ قابىر­عاسىندا ءبىلىم الاتىن كۇن دە تۋار. وسى مەكتەپتى ساپالى ءارى ۋاقىتىندا تۇرعىزىپ, اباتتاندىرۋ جۇمىستارىن دا ءمىنسىز اتقارعان مەردى­گەر «اليۋميني قۇرى­لىس» سە­رىكتەستىگىنىڭ باسشىلى­عىنا دا زور العىس بىلدىرەمىز», – دە­دى اۋدان اكىمى.

مەرەكەلىك جيىندا مەكتەپ ۇجىمىن ارداگەر ۇستاز رىسكۇل قايىركەنقىزى دا قۇت­تىقتاپ, ۇستازدار مەن وقۋ­شىلارعا ساتتىلىك تىلەدى.

مەكتەپ ديرەكتورى عا­لىم ەرىشەۆتىڭ ايتۋىنشا, مەكتەپ سىنىپتارىنىڭ ءبارى كومپيۋتەرمەن قامتاماسىز ەتىلگەن ءار سىنىپقا ينتەر­اك­تيۆتى تاقتالار قويىلعان. سپورت زالىنا دەنەشى­نىق­تىرۋعا قاجەتتى سان الۋان سپورت قۇرالدارى قويىل­عان. سونداي-اق ەكى سپورت الا­ڭى بار. ياعني, اۋىل بالالا­رى­نىڭ ساپالى ءبىلىم الۋىنا مۇم­كىندىك مول.

جاڭا مەكتەپتىڭ قۇرى­لى­سىنا جالپى سوماسى

1 ملرد تەڭگەدەن استام قار­جى جۇمسالعان.

قوستاناي وبلىسى,

اۋليەكول اۋدانى,

امانقاراعاي اۋىلى