سارسەن امانجولوۆ اتىنداعى شىعىس قازاقستان ۋنيۆەرسيتەتىندە ءبىلىم كۇنىنە ارنالعان «الىپپە – ءبىلىم باستاۋى» اتتى سالتاناتتى ءىس-شارا ءوتتى. ءىس-شارا وبلىس اكىمدىگىنىڭ, سىبايلاس جەمقورلىققا قارسى ءىس-قيمىل اگەنتتىگى شىعىس قازاقستان وبلىسى بويىنشا دەپارتامەنتىنىڭ, وبلىستىق ءبىلىم باسقارماسى جانە وبلىستىق ءبىلىم سالاسىنداعى ساپانى قامتاماسىز ەتۋ دەپارتامەنتىنىڭ قولداۋىمەن ءوتتى.
ەل پرەزيدەنتى ق.توقاەۆتىڭ جاڭا جولداۋىندا تسيفرلاندىرۋدىڭ ءسان ءۇردىسىنىڭ جالعاسى ەمەس, ۇلتتىق باسەكەگە قابىلەتتىلىككە قول جەتكىزۋدىڭ نەگىزگى قۇرالى ەكەندىگى اتالعان بولاتىن. جاڭا وقۋ جىلىنىڭ باستالۋىنا ارنالعان مەرەكەدە تسيفرلى پەداگوگيكانىڭ جاڭا زەرتحاناسىنىڭ اشىلۋى سيمۆولدىق مانگە يە.
– بۇگىندە ادامزات جاھاندىق اقپاراتتىق-تسيفرلى قوعامدى قۇرۋعا بايلانىستى ءوز دامۋىنىڭ ساپالى جاڭا كەزەڭىنە قادام باسىپ وتىر جانە وسى ۋاقىت تالابى «تسيفرلى قازاقستان» مەملەكەتتىك باعدارلاماسىندا قامتىلعان. ءبىز باعدارلامالاردى ىسكە اسىرۋ IT-قۇزىرەتتىلىكتەرگە يە كاسىبي كادرلاردى قاجەت ەتەتىنىن تۇسىنەمىز. جاڭا تەحنولوگيالار ءداستۇرلى وقىتۋ جۇيەسىن دە, ءبىلىم بەرۋ ورتاسىن دا وزگەرتۋدە. پەداگوگيكادا جاقىندا «digital pedagogy» («تسيفرلى پەداگوگيكا») تەرمينى پايدا بولدى جانە بۇل ۇعىم «ونلاين وقىتۋ» دەگەن ءسوز تىركەسىمەن سينونيم ەمەس. تسيفرلى پەداگوگيكا – ءارتۇرلى تسيفرلى تەحنولوگيالاردى (كومپيۋتەرلەر, گادجەتتەر, باعدارلامالىق قامتاماسىز ەتۋ جانە ت.ب.) قامتيتىن جانە وسىنىڭ ناتيجەسىندە ءبىلىم بەرۋ قىزمەتتەرىنىڭ نەعۇرلىم جوعارى ساپاسىن قامتاماسىز ەتەتىن پەداگوگيكالىق پروتسەسس. IT-تەحنولوگيالاردى دامىتۋ سالاسى وقۋ ورنىمىزدىڭ دامۋ تۇجىرىمداماسىندا دا باسىم باعىت سانالادى. س.امانجولوۆ اتىنداعى شىعىس قازاقستان ۋنيۆەرسيتەتىندە وسى باعىتقا كوپ كوڭىل بولىنەدى, زاماناۋي تسيفرلى جابدىقتارمەن جاراقتالعان جاڭا زەرتحانالار مەن وقۋ اۋديتوريالارى اشىلۋدا. مۇنىڭ ءبارى ءبىزدىڭ ستۋدەنتتەرگە جاقسى ءبىلىم الۋعا جانە ەڭبەك نارىعىندا باسەكەگە قابىلەتتى بولۋعا مۇمكىندىك بەرەدى. ال ۋنيۆەرسيتەتتە جاڭا ۇلگىدەگى ءبىلىم بەرۋ تەحنولوگيالارى بويىنشا كادرلار دايارلاۋعا مۇمكىندىك بەرەتىن تاعى ءبىر قۇرىلىم – تسيفرلى پەداگوگيكا زەرتحاناسى اشىلىپ وتىر, – دەدى س.امانجولوۆ اتىنداعى شىعىس قازاقستان ۋنيۆەرسيتەتىنىڭ رەكتورى, پروفەسسور مۇحتار تولەگەن.
زەرتحانانى قۇرۋداعى ماقسات – قازىرگى زامانعى IT-قۇزىرەتتىلىكتەرگە يە زاماناۋي ءبىلىم بەرۋ جۇيەسى ءۇشىن پەداگوگيكالىق كادرلاردى دايارلاۋ, قازىرگى زامانعى اكت (اقپاراتتىق-كوممۋنيكاتسيالىق تەحنولوگيالار) قۇرالدارىن ءتيىمدى قولدانۋ جاعدايىندا زاماناۋي وقۋ پروتسەسىن پەداگوگيكالىق جوبالاۋدىڭ عىلىمي-ادىستەمەلىك نەگىزدەرىن ازىرلەۋ, وقىتۋدىڭ قوسىمشا نىساندارىن ىسكە اسىرۋدىڭ جانە مەكتەپ پەن كوللەدج پەداگوگتەرىنە ءبىلىم بەرۋ قىزمەتتەرىن كورسەتۋدىڭ ءتيىمدى تەتىگىن قامتاماسىز ەتۋ.
تسيفرلى پەداگوگيكا زەرتحاناسىندا وقىتۋ تسيفرلى ءبىلىم بەرۋ رەسۋرستارى, ءبىلىم بەرۋدەگى قاشىقتان وقىتۋ تەحنولوگيالارى, ونلاين-وقىتۋ, تسيفرلى ءبىلىم بەرۋ ورتاسى, كومپيۋتەرلىك تەحنولوگيالار جانە ت.ب. باعىتتار بويىنشا جۇرگىزىلەتىن بولادى.
– ءبىز مەكتەپتەردەگى ارىپتەستەرىمىزگە جانە مەكتەپ تۇلەكتەرىنە, مىسالى, ۇبت-عا دايىندىقتى, ال پەداگوگتەرگە جۇمىسقا ارنالعان ەلەكتروندى رەسۋرستار مەن جاڭا IT-پلاتفورمالاردى, سونداي-اق رەسۋرستاردىڭ ادىستەمەلىك جيىنتىعىن ۇسىنامىز: ءبىلىم جانە عىلىم مينيسترلىگى ادىستەمەلىك ۇسىنىمدارىن ەسكەرە وتىرىپ دايىندالعان بەينەدارىستەر, بەينەكونسۋلتاتسيالار بار. قازىرگى ۋاقىتتا ۋنيۆەرسيتەت ماماندارى ءتۇرلى تاقىرىپ بويىنشا كوپتەگەن بەينەماتەريال, جەكەلەگەن وقۋ پاندەرى بويىنشا مۇعالىمدەرگە ارنالعان تسيفرلى پەداگوگيكا زەرتحاناسىندا ۋنيۆەرسيتەتتىڭ ەلەكتروندى كىتاپحاناسىنىڭ ادەبيەتتەرىن جەكە سايتپەن جانە ەلەكتروندى رەسۋرستارمەن, ەلەكتروندى كىتاپتارمەن, اۋديو جازبالارمەن جانە مۋلتيمەديالىق وقۋلىقتاردىڭ پلاتفورمالارىمەن پايدالانۋ ارقىلى ءارتۇرلى ۆەبينارلاردى ونلاين رەجىمدە جۇكتەپ وتىر, – دەيدى پەداگوگيكالىق ءبىلىم بەرۋ جانە مەنەدجمەنت كافەدراسىنىڭ مەڭگەرۋشىسى ناتاليا رادچەنكو.
ۇكىمەت باسشىسى ءبىلىم جانە عىلىم مينيسترلىگىنە تسيفرلىق دامۋ, يننوۆاتسيالار جانە اەروعارىش ونەركاسىبى مينيسترلىگىمەن جانە اكىمدىكتەرمەن بىرلەسىپ, ەلدە «تسيفرلى ءبىلىم بەرۋ» باعدارلاماسىن اۋقىمدى ىسكە قوسۋدى قامتاماسىز ەتۋدى تاپسىرعانى بەلگىلى.
– «دايىن ۇبت» ترەناجەرى تالاپكەرگە ساپالى قۇراستىرىلعان تەست سۇراقتارىنان وتۋگە, وبلىستا ءوز دەڭگەيىن, تاڭداعان پاندەرىن بىلۋگە مۇمكىندىك بەرەدى. سونىمەن قاتار ترەناجەر كەلەسى ءوتۋ كەزىندە تەست سۇراقتارىن قيىنداتا الادى, – دەيدى ماركەتينگ, مانساپ جانە جۇمىسپەن قامتۋ ورتالىعىنىڭ باسشىسى جاننەل بولاتوۆا.
وقۋ ورنىنىڭ رەكتورى م.تولەگەننىڭ ايتۋىنشا, شىعىس قازاقستان ۋنيۆەرسيتەتى ءۇي شارۋاسىنداعى ايەلدەردەن باستاپ جوعارى وقۋ ورىندارىنىڭ وقىتۋشىلارىنا دەيىنگى ازاماتتاردىڭ بارلىق ساناتتارى ءۇشىن كۋرستىق دايىندىقتاردى جۇرگىزە وتىرىپ, بولاشاققا ەسىك اشىپ, العا قادام باسۋدا.
وسكەمەن