قازىر قوستاناي وبلىسىندا توبىل اتاۋىمەن اتالاتىن ەكى ەلدى مەكەن بار. ءبىرى – وبلىس ورتالىعىنا ىرگەلەس جاتقان قالا. قوستانايدان شىعا بەرىستەگى قوس كوپىردەن وتسەڭىز بولدى, توبىل قالاسىنا توپ ەتە قالاسىز. ەكىنشىسى - توقسان تاراۋ تەمىر جول تۇيىسكەن توراپتا پويىز باعىتىن رەتتەيتىن الىپ بەكەتى بار ءىرى كەنت. ول توبىل بەيىمبەت اۋدانىندا. كۇردەلى جوندەۋدەن ءوتىپ جاتقان دارىگەرلىك امبۋلاتوريا وسى كەنتتە, دەپ حابارلايدى Egemen.kz
ەمدەۋ مەكەمەسىنە «اۋىل – ەل بەسىگى» باعدارلاماسى اياسىندا 190 ملن تەڭگە ءبولىنىپتى. 1985 جىلى پايدالانۋعا بەرىلگەن امبۋلاتوريا عيماراتى سودان بەرى بىرنەشە رەت جەڭىل-جەلپى عانا جوندەۋدەن وتكەن. توبىل كەنتى اكىمىنىڭ ورىنباسارى امانجول ەسماعامبەتوۆتىڭ ايتۋىنشا, مەردىگەر سەرىكتەستىك بۇگىنگە دەيىن عيماراتتىڭ جابىنى مەن جىلۋ جۇيەسىن اۋىستىرىپ, ينجەنەرلىك كوممۋنيكاتسيا جۇمىستارىن وتكىزگەن. ەندى ىشكى ارلەۋ جۇمىستارى مەن سىرتقى اۋلانى ابباتتاندىرۋ عانا قالىپتى.
- قۇرىلىس نىسانىندا 30-35 ادام جۇمىس ىستەپ جاتىر. جوندەۋ جۇمىستارى قازان ايىندا اياقتالادى, - دەدى مەردىگەر سەرىكتەستىكتىڭ بريگاديرى ولەگ كۋشنير.
قۇرىلىسشىلار امبۋلاتورياداعى كۇردەلى جوندەۋ جۇمىستارىن ء بىرشاما ەڭسەرىپ قالعان. ال دارىگەرلەر جەرگىلىكتى ونەر مەكتەبىنىڭ عيماراتىن ۋاقىتشا پانالاپ وتىر.
قوستاناي وبلىسى