كوكشە وڭىرىنە مەتسەنات بوريس كوزلوۆتىڭ ەسىمى ءبىرشاما ءمالىم. وبلىس ورتالىعىنىڭ ىرگەسىندەگى ءۋالي حاننىڭ مازارىن جوندەپ, اباتتاندىرعاننىڭ ءوزى ءبىر جىر. تاياۋدا كاسىپكەر "مەكتەپكە جول" اكتسياسىنا قاتىسىپ, وزگەگە ونەگە كورسەتتى, دەپ حابارلايدى Egemen.kz
قازىر وقۋشىعا نە قات, قاشىقتىقتان وقۋ سەبەپتى قۇرال-جابدىقتار قاجەت. كاسىپكەر بوريس كوزلوۆ 22 وقۋشىعا سمارتفون سىيلاپ, قامقورلىق كورسەتتى. ءوزىنىڭ ايتۋىنا قاراعاندا, وسىنداي مەيىرىمدىلىك شاراسىن قولدان كەلگەنىنشە جىل بويى اتقارا بەرمەك.
كارانتين ۋاقىتىندا ورتالىق مەشىتپەن بىرلەسە وتىرىپ, 300-گە جۋىق وتباسىنا ازىق-ت ۇلىك جەتكىزىپ بەرىپ, حالىقتىڭ العىسىن العان. ايتپاقشى, مۇنداي شارۋانى ول ەكى جىلدان بەرى اتقارىپ كەلەدى. مەشىتتەن كومەك سۇراعاندارعا قول ۇشىن سوزاتىن كاسىپكەردىڭ بۇل ءىسىن كىسىلىك دەمەي نە دەرسىڭ؟ قالتالى اعايىننىڭ ءبارى كومەككە ءزارۋ جاندارعا ءدال وسىلاي قول ۇشىن بەرسە جاداپ-جۇدەگەندەر بولماس ەدى.
كوكشەتاۋ قالاسى