نۇر-سۇلتان اۋەجايىنا كارانتين تالاپتارىن ساقتاماعانى ءۇشىن ايىپپۇل سالىندى. بۇل تۋرالى كولىكتەگى باس مەملەكەتتىك سانيتارلىق دارىگەر سادۋاقاس بايعابىلوۆ ايتتى, - دەپ حابارلايدى Egemen.kz.
"نۇر-سۇلتان حالىقارالىق اۋەجايىنا اكىمشىلىك قۇقىق بۇزۋشىلىق تۋرالى كودەكستىڭ 425-بابىنىڭ 1-بولىگى بويىنشا ("حالىقتىڭ سانيتاريالىق-ەپيدەميولوگيالىق سالاماتتىلىعى سالاسىنداعى زاڭناما تالاپتارىن, سونداي-اق گيگيەنالىق نورماتيۆتەردi بۇزۋ") بويىنشا 1600 اەك - 4 444 800 تەڭگە مولشەرىندە اكىمشىلىك جازا قولدانىلدى, بىراق نۇر-سۇلتان اۋە ايلاعىنىڭ قىسقارتىلعان ءوندىرىسى اياسىندا 2,2 ميلليون تەڭگە ايىپپۇل تولەندى", - دەدى كولىكتەگى باس مەملەكەتتىك سانيتار دارىگەر سادۋاقاس بايعابىلوۆ.
ونىڭ ايتۋىنشا, مۇنداي جازا قولدانۋعا ەلوردا اۋەجايىندا كارانتين شارالارىنىڭ ساقتالماۋى سەبەپ بولعان. اۋەجايدا كەلگەن جانە كەتەتىن جولاۋشىلار ءۇشىن جەكە دالىزدەر ۇيىمداستىرىلماعان, رەيسكە تىركەلۋ جانە وتىرعىزۋ كەزىندە جولاۋشىلار اراسىندا الەۋمەتتىك قاشىق ساقتالماعان, تەرمينالدا دەزينفەكتسيالىق كىلەمشەلەر ورناتىلماعان, پەرروندىق اۆتوبۋستىڭ جۇرگىزۋشىلەرىندە قولعاپ بولماعان جانە قىزمەتكەرلەر ماسكالار تاقپاعان.