ءورت سوندىرۋشىلەر كەلگەنگە دەيىن جەدەل جاردەم بريگاداسى كولىكجاي يەسىن اۋرۋحاناعا الىپ كەتتى. بۇل تۋرالى رavlodarnews.kz-كە سىلتەمە جاساي وتىرىپ Egemen.kz حابارلايدى.
وبلىستىق تجد ءباسپاسوز قىزمەتىنىڭ مالىمەتىنشە, وتكەن تاۋلىكتە ورتالىق ونەركاسىپتىك ايماقتا ورنالاسقان "ليتەيششيك" كووپەراتيۆتىك قوعامىنداعى اۆتوكولىك گاراجىنداعى ءورت تۋرالى حابارلاما "101" پۋلتىنە كەشە ساعات 15:25-تە كەلىپ تۇسكەن.
– بەتوننان تۇرعىزىلعان گاراجدىڭ ىشىندە ون التى شارشى مەتر اۋماقتا قولدانىستا بولعان ءتورت اۆتوشينا مەن اعاش سورەلەر جانىپ كەتتى. 1978 جىلى تۋعان ەر ادام №1 قالالىق اۋرۋحانانىڭ جانساقتاۋ بولىمىنە ءۇشىنشى دارەجەلى كۇيىك دياگنوزىمەن جەتكىزىلدى. جاعدايى اۋىر دەپ باعالانادى. وقيعا ورنىندا №1 مامانداندىرىلعان ءورت ءسوندىرۋ ءبولىمىنىڭ ساربازدارى سىيىمدىلىعى الپىس ليتر جانار-جاعار ماي قۇيىلعان كانيسترانى ەۆاكۋاتسيالادى, – دەيدى دەپارتامەنتتە.
ءتىلسىز جاۋ ساعات 16:00-دە اۋىزدىقتاپ, التى مينۋتتان كەيىن تولىعىمەن ءسوندىرىلدى. تجد ءورت ءسوندىرۋ جانە اۆاريالىق-قۇتقارۋ جۇمىستارى قىزمەتى №1 مامانداندىرىلعان ءورت ءسوندىرۋ ءبولىمىنىڭ توعىز قىزمەتكەرى مەن ەكى اۆتوتسيستەرنا جۇمىس ىستەدى.قازىرگى ۋاقىتتا ءورتتىڭ سەبەپتەرى مەن كەلتىرىلگەن شىعىن انىقتالىپ جاتىر.