قازاقستاندا ينتەرنەت, ءدارى-دارمەك جانە جەرلەۋ راسىمدەرى قىمباتتادى

بيىلعى سەگىز ايدا ازىق-ت ۇلىك باعاسى –7,3%, ازىق-ت ۇلىك ەمەس تاۋارلارىنا–3,4%, اقىلى قىزمەتتەرگە 2% قىمباتتادى.

اتاپ ايتقاندا, باعا كوتەرىلدى: جارمالارعا – 21,5%, كارتوپقا – 21%, جەمىستەرگە – 18,4%, قوي ەتىنە – 12,9%, قۇمشەكەرگە – 12,3%, ۇنعا – 12,1%, ماكارون ونىمدەرىنە – 10,7%, سارى مايعا – 9,9%, مايەكتى ىرىمشىككە – 9,3%, جىلقى ەتىنە – 9,1%, سيىر ەتىنە – 8,1%, شايعا – 7,8%, مۇزداتىلعان بالىققا – 7,3%, شۇجىق ونىمدەرىنە, شوشقا ەتىنە – 6,6%-دان, توقاش جانە ۇننان دايىندالعان ونىمدەرگە – 5,8%, پاستەرلەنگەن سۇتكە – 5,2%, نانعا – 4,5%, سۇزبەگە 3,4%.

تەمەكى ونىمدەرى – 10,8%, مينەرالدى جانە اۋىزسۋ – 8,9%, سالقىنداتىلعان سۋسىندار – 6,5%, الكوگولدى سۋسىندار 6% قىمباتتادى.

بۇدان بولەك, باعا ءدارى-دارمەككە – 7,5%, جۋعىش جانە تازالاعىش قۇرالدارعا – 7,1%, تۇرمىستىق اسپاپتارعا – 5%, قۇرىلىس ماتەريالدارىنا – 4,9%, اۆتوموبيلدەرگە – 4,7%, نوۋتبۋكتەرگە – 3,3%, كەڭسە تاۋارلارىنا 3,2% جوعارىلادى. بەنزين 2,6% قىمباتتادى.

سونداي-اق باعا جەرلەۋ قىزمەتتەرىنە 5,7% ارتقان. دەنساۋلىق ساقتاۋ قىزمەتتەرىنە –4,3%, شاشتارازدار مەن سۇلۋلىق سالوندار قىزمەتتەرىنە – 3,8%, قوعامدىق تاماقتاندىرۋ قىزمەتتەرىنە 2,5% ءوستى.

ينتەرنەت جەلىسىنە قوسىلۋ ءۇشىن ابونەنتتىك تولەم 2,2% جوعارىلادى. قالالىق كولىكپەن (تاكسي) جول ءجۇرۋ اقىسى – 6%, پويىز بيلەتتەرى – 4,4% قىمباتتادى. قوقىس شىعارۋ باعاسى – 11,1%, ەلەكتر ەنەرگياسىنا 3,5% ارتتى.

باعانىڭ تومەندەۋى جۇمىرتقاعا – 6,1%, جاڭا جينالعان كوكونىستەرگە – 4,6%, سوككە – 2,4%, كۇرىشكە 2% تىركەلدى. اۆيابيلەتتەر –6,2%, ديزەل وتىنى 3,2%, ىستىق سۋعا تاريفتەر– 5,5%, ورتالىقتان جىلىتۋعا – 3,4%, كارىزگە – 3,1%, سۋىق سۋعا 2,2% ارزاندادى.