ولاردىڭ 40 پايىزى, ياعني 20 844 وقۋشى اتا-اناسىنىڭ وتىنىشىمەن كەزەكشى توپتاردا ءبىلىم الا باستادى. ءبىلىم ۇيالارىندا بارلىق سانيتارلىق تالاپتار قاتاڭ ساقتالعان. شتاتتىق رەجيمدە جۇمىس ىستەۋگە كىرىسكەن مەكتەپتەردىڭ دايىندىعى تولىقتاي تەكسەرۋدەن وتكەن.
ادامي الەۋەتتى دامىتۋ باسقارماسىنىڭ مالىمەتىنشە, جوسپارعا ساي وبلىستا 912 مەكتەپ ءوز جۇمىسىنا كىرىسكەن. ونىڭ ىشىندە 164 مەكتەپ شتاتتىق رەجيمدە جۇمىس ىستەپ, 16 375 وقۋشىعا ءبىلىم بەرۋدە. بىلتىرعى وقۋ جىلىن 910 مەكتەپ اياقتاعان بولسا, بيىل ورداباسى اۋدانىنان 600 ورىندىق مەكتەپ جانە جەتىساي اۋدانىنان 200 ورىندىق مەكتەپ ىسكە قوسىلدى. جالپى, وڭىردەگى مەكتەپتەردە بالا سانى — 499 535. اۋداندارعا ءتيىستى 4000 دانا پلانشەت «Bilim» تاريفتەگى سيمكارتاسىمەن بىرگە قۇجاتتارى راسىمدەلىپ, ەڭ الدىمەن الەۋمەتتىك وسال توپتاعى, كوپبالالى جانە از قامتاماسىز ەتىلگەن وتباسى وقۋشىلارىنا بەرىلەتىن بولادى.