تاياۋدا كوكشەتاۋ قالالىق پوليتسيا باسقارماسىنا 39 جاستاعى قالا تۇرعىنىنان شاعىم ءتۇستى. وندا ول الدەبىر الاياقتىڭ قۇربانى بولعاندىعىن حابارلاعان.
شەتىن وقيعا بىلايشا وربىگەن ەكەن. جابىرلەنۋشىنىڭ ايتۋىنا قاراعاندا, جارنامالىق ينتەرنەت سايتى ارقىلى جيھاز جاساۋشىنى ىزدەگەن ەكەن. تاپسا, قاجەتتى جيھازعا تاپسىرىس بەرمەك. ىلە جەتكەن بەلگىسىز بىرەۋ الگى جيھازدى جاساپ بەرمەكشى بولىپ الدىن-الا تولەماقى رەتىندە 100 مىڭ تەڭگە تالاپ ەتەدى. كەلىسىم شارت جاسالىپ, اقشاسىن تولەيدى.
سويتسە ول جارنامالىق ينتەرنەت سايتتاعى حابارلاردى قالت جىبەرمەي, اڭدىپ وتىرعان الاياق بولىپ شىقتى. ناتيجەسىندە اقشا دا جوق, جيھاز دا جوق. ىلە جەدەل ىزدەستىرۋ ءىس-شارالار ناتيجەسىندە اڭقاۋدى الداعان 34 جاستاعى قالا تۇرعىنى انىقتالدى.
وسى فاكتى بويىنشا سوتقا دەيىنگى تەرگەۋ امالدارى جۇرگىزىلۋدە. الاياقتىڭ ارباۋىنا ءتۇسىپ قالماڭىزدار.