بۇگىن مەملەكەت باسشىسى قاسىم-جومارت توقاەۆ قازاقستان حالقىنا جىل سايىنعى جولداۋىن ارنادى. جولداۋدا دەنساۋلىق ساقتاۋ جۇيەسىن دامىتۋعا جانە مەديتسينا قىزمەتكەرلەرىن قولداۋ شارالارىنا ەرەكشە كوڭىل بولىنگەن, دەپ جازادى Egemen.kz.
وسىلايشا, پرەزيدەنت مەديتسينا قىزمەتكەرلەرىنە ۇستەمەاقى تولەۋگە 150 ملرد تەڭگە ءبولۋدى تاپسىردى. وسىعان بايلانىستى الماتىنىڭ مەديتسينا قىزمەتكەرلەرى پرەزيدەنتكە كورسەتكەن قولداۋى ءۇشىن العىستارىن ءبىلدىردى.
الماتى قالاسىنىڭ №4 قالالىق ەمحاناسىنىڭ كلينيكالىق فارماكولوگى ايگەرىم توقتىباەۆا وڭىرلىك كوممۋنيكاتسيالار قىزمەتى الاڭىنداعى ونلاين سۇحبات بارىسىندا ايتىلعان باستامالارعا العىس ءبىلدىرىپ, "بارلىق مەديتسينا قىزمەتكەرلەرىنىڭ اتىنان پرەزيدەنتكە وسىنداي ۇلكەن كومەك ءۇشىن ۇلكەن العىسىمدى بىلدىرگىم كەلەدى. پاندەميا كەزىندە جۇمىس ىستەگەن ءاربىر مەديتسينا قىزمەتكەرى ءوز ءومىرىن قاتەرگە تىكتى, ال بۇگىنگى جولداۋ بىزگە ۇلكەن قۋانىش سىيلادى", — دەپ اتاپ ءوتتى.