كارانتين تالاپتارىن بۇزىپ, قىز ۇزاتۋ ۇيىمداستىرعان تۇرعىن جاۋاپقا تارتىلدى, – دەپ حابارلايدى Egemen.kz Polisia.kz سايتىنا سىلتەمە جاساپ.
"29 تامىزدا شىمكەنت قالاسى پوليتسيا دەپارتامەنتىنىڭ ۋچاسكەلىك پوليتسيا ينسپەكتورلارى قاراتاۋ اۋدانىنىڭ اۋماعىنداعى ۇيدە قىز ۇزاتۋ تويى بولىپ جاتقانىن انىقتادى. جەرگىلىكتى تۇرعىندار قالانىڭ باس دارىگەرىنىڭ قاۋلىسىندا كورسەتىلگەن كارانتيندىك تالاپتاردى بۇزعان. جايت بويىنشا جيناقتالعان ءىس-قۇجاتتار تاۋارلار مەن كورسەتىلەتىن قىزمەتتەر ساپاسىن باقىلاۋ باسقارماسىنا قر اقبتك-ءنىڭ 425-بابىمەن زاڭدى شارا قولدانۋ ءۇشىن جولداندى", - دەلىنگەن حابارلامادا.