بۇگىن قازاقستاننىڭ بارلىق قالالارىندا وقۋشىلار ءۇشىن سىنىپ ساعاتتارى وتكىزىلدى. بۇل تۋرالى Egemen.kz مينيسترلىكتىڭ ءباسپاسوز قىزمەتىنە سىلتەمە جاساپ حابارلايدى.
مەكتەپكە دەيىنگى بىلىممەن 900 مىڭعا جۋىق بالا قامتىلعان. كارانتيندىك شەكتەۋلەر جاعدايىندا اتا-انالاردىڭ قالاۋى بويىنشا بالاباقشالارعا بالالاردىڭ جالپى سانىنىڭ 18,7%-ى بارادى.
ورتا بىلىمدە 7 مىڭنان استام مەكتەپتىڭ شامامەن 3 مىڭى ءداستۇرلى فورماتتا جۇمىس ىستەيدى. جاڭا وقۋ جىلىندا 352 091 بالا ءبىرىنشى سىنىپقا قابىلداندى. باستاۋىش سىنىپتاردا ءبىر ميلليوننان استام وقۋشى بار, ولاردىڭ 60%-ى كەزەكشى سىنىپتاردا وقۋدى باستادى.قاشىقتان وقىتۋ فورماتىندا 2,6 ملن-عا جۋىق وقۋشى ءبىلىم الىپ جاتىر.1 قىركۇيەك ساعات 15:00-دەگى جاعداي بويىنشا "كۇندەلىك" جۇيەسىندەگى قارالىم سانى 3,7 ملن. قۇرايدى. نەگىزگى ءبىلىم بەرۋ پلاتفورمالارىنداعى سەسسيالاردىڭ سانى – 2,2 ملن. ورنالاستىرىلعان كونتەنتتى قاراۋ سانى – 6,8 ملن.
مەكتەپ وقۋشىلارىنا 435 مىڭ دانا كومپيۋتەرلىك تەحنيكا بەرىلدى. 15 قىركۇيەككە دەيىن قوسىمشا 250 مىڭ دانا كومپيۋتەرلىك تەحنيكا بەرۋ جوسپارلانىپ وتىر.