بۇگىن مەملەكەت باسشىسى قاسىم-جومارت توقاەۆ قازاقستان حالقىنا جىل سايىنعى جولداۋىن ارنادى. جولداۋدا دەنساۋلىق ساقتاۋ جۇيەسىن دامىتۋعا جانە مەديتسينا قىزمەتكەرلەرىن قولداۋ شارالارىنا ەرەكشە كوڭىل بولىنگەن. وسىلايشا, پرەزيدەنت مەديتسينا قىزمەتكەرلەرىنە ۇستەماقى تولەۋگە 150 ملرد تگ ءبولۋدى تاپسىردى. وسىعان بايلانىستى الماتىنىڭ مەديتسينا قىزمەتكەرلەرى پرەزيدەنتكە كورسەتكەن قولداۋى ءۇشىن العىستارىن ءبىلدىردى, - دەپ حابارلايدى Egemen.kz.
الماتى قالاسىنىڭ №4 قالالىق ەمحاناسىنىڭ كلينيكالىق فارماكولوگى ايگەرىم توقتىباەۆا وڭىرلىك كوممۋنيكاتسيالار قىزمەتى الاڭىنداعى ونلاين سۇحبات بارىسىندا ايتىلعان باستامالارعا العىس ءبىلدىردى.
ء"بىزدىڭ پرەزيدەنتىمىز قاسىم-جومارت كەمەل ۇلىنىڭ بۇگىنگى جولداۋى تۋرالى ايتقىم كەلەدى. پرەزيدەنت ەلىمىزدىڭ مەديتسينا قىزمەتكەرلەرىنە ەكىنشى جارتىجىلدىقتا ىنتالاندىرۋ ۇستەمەاقىلارىن بەرۋ ءۇشىن 150 ملرد تەڭگە ءبولۋدى تاپسىردى. بارلىق مەديتسينا قىزمەتكەرلەرىنىڭ اتىنان پرەزيدەنتكە وسىنداي ۇلكەن كومەك ءۇشىن ۇلكەن العىسىمدى بىلدىرگىم كەلەدى. پاندەميا كەزىندە جۇمىس ىستەگەن ءاربىر مەديتسينا قىزمەتكەرى ءوز ءومىرىن قاتەرگە تىكتى, ال بۇگىنگى جولداۋ بىزگە ۇلكەن قۋانىش سىيلادى", - دەپ اتاپ ءوتتى ايگەرىم توقتىباەۆا.