حالىقارالىق دزيۋدو فەدەراتسياسى كۇز ايلارىندا الەمدىك تۋر جارىستارىن قايتا باستايتىنى تۋرالى حابارلادى, دەپ جازادى Egemen.kz
باس باپكەر ايدىن سماعۇلوۆ بۇل مالىمەتتىڭ ءالى ناقتى ەمەستىگىن مالىمدەدى.
"IJF كۇزدەن باستاپ حالىقارالىق تۋرنيرلەر قايتا باستاعانىنى مالىمدەگەن ەدى. بىراق كۇنى كەشە بىزگە الەمدىك فەدەراتسيادان حات كەلدى. ەگەر كۇز ايلارىندا مەملەكەتتەر كارانتينگە بايلانىستى شەكاراسىن قايتا جاباتىن بولسا, جارىس وتپەۋى مۇمكىن. فەدەراتسيا پرەزيدەنتى ماريۋس ۆيزەر قول قويعان حاتتا تۋرنيرلەردىڭ قايتا جاندانۋى ءالى ءسوز جۇزىندە ەكەنى ايتىلعان. دەمەك, كۇزدە ۇلكەن سپورتقا قايتا ورالۋىمىز ەكىتالاي. دەگەنمەن, ءبىزدىڭ سپورتشىلار كارانتين كەزىندە جاتتىعۋدى توقتاتقان جوق. قىركۇيەكتىڭ ورتاسىندا وقۋ-جاتتىعۋ جيىنىنا قايتا ورالامىز", دەيدى باس باپكەر.