باس پروكۋراتۋرا, سىبايلاس جەمقورلىققا قارسى ءىس-قيمىل اگەنتتىگى جانە قارجى مينيسترلىگىنىڭ قارجى مونيتورينگى كوميتەتى قۇقىق قورعاۋ قىزمەتىنە العاش رەت كىرەتىن ادامدار ءۇشىن العاشقى كاسىبي دايارلىققا ىرىكتەۋ جاريالادى.
ءتيىستى اقپارات باس پروكۋراتۋرا جانىنداعى قۇقىق قورعاۋ ورگاندارى اكادەمياسىنىڭ رەسمي ينتەرنەت-رەسۋرسىندا جاريالاندى. كادرلاردى ىرىكتەۋ مەن دايارلاۋدىڭ جەتىلدىرىلگەن ءتارتىبى بيىل ءوزىنىڭ زاڭنامالىق بەكىتىلۋىنە يە بولدى.
جاڭا ەرەجەلەرگە سايكەس قۇقىق قورعاۋ ورگاندارىندا (ىشكى ىستەر مينيسترلىگىن قوسپاعاندا) جۇمىس ىستەگىسى كەلەتىن بارلىق جاس مامان قۇقىق قورعاۋ ورگاندارى اكادەمياسىندا تەرەڭدەتىلگەن پراكتيكاعا باعىتتالعان وقىتۋدان وتەتىن بولادى. ىرىكتەۋ وتكىزۋ, وقۋدان ءوتۋ ءتارتىبى مەن شارتتارى, ۇمىتكەرلەرگە قويىلاتىن تالاپتار تۋرالى تولىق اقپاراتتى اكادەميانىڭ سايتىنان الۋعا بولادى.