پيكاسسو مەن مونەنىڭ كارتينالارىن ساعىنساڭىز, ياكي دجاكوممەتتيدىڭ ءمۇسىنىن تاماشالاعىڭىز كەلسە, مارحابات. وسى اپتادان باستاپ نيۋ-يورك مۋزەيلەرى ۇزاق ۋاقىتقا سوزىلعان دەمالىستان سوڭ قايتا اشىلدى, - دەپ حابارلايدى Egemen.kz.
مانحەتتەندەگى زاماناۋي ونەر مۋزەيى (موما) ءوز جۇمىسىن قايتا جالعاستىرعانىمەن, ونەر ورداسىنا كەلۋشى جۇرتتىڭ قاراسى كوپ ەمەس. ارينە, بۇل كارانتيندىك قاتاڭ ەرەجەنىڭ ساقتالۋىنان بولىپ وتىر. بۇدان بولەك نيۋ-يوركتەگى مەتروپوليتەن ونەر مۋزەيى دە ءوز جۇمىسىن باستادى. كەلۋشىلەرىنىڭ سانى شەكتەۋلى مۋزەيدىڭ اپتاداعى بەس كۇن بويى ەسىگى اشىق. مۇندا دا سانيتارلىق ەرەجەلەردى ساقتاپ, بەتپەردە تاعۋ ءھام اراقاشىقتىقتى بۇزباۋ – باستى نازاردا. قاتاڭ شارالارعا بايلانىستى مەتروپوليتەن اشىلعان العاشقى كۇنى ادەتتەگىدەي 30-40 مىڭ ەمەس, 10 مىڭ قوناقتى قابىلداعان.
ايتا كەتەيىك, پاندەميا سالدارىنان مەتروپوليتەن ونەر مۋزەيى كارانتيندەگى ۋاقىتتا 150 ملن دوللار جوعالتىپ, 400 قىزمەتكەرىن قىسقارتقان. بۇل جاعدايعا نيۋ-يوركتاعى بارلىق ونەر وشاقتارى تاپ بولىپ وتىر.