COVID-19-بەن قايتالاپ اۋىرۋ الەمنىڭ بىرنەشە ەلدەرىندە تىركەلگەنى جايلى ربك جانە REGNUM حاباردار ەتەدى, دەپ جازادى Egemen.kz
اقش-تىڭ نەۆادا شتاتىنىڭ 25 جاستاعى تۇرعىنى COVID-19-دى قايتالاپ قالعان. يەل ۋنيۆەرسيتەتىنىڭ يممۋنوبيولوگيا جانە مولەكۋلالىق بيولوگيا سالاسى بويىنشا مامانى اكيكو يۆاساكي ءوزىنىڭ Twitter-دەگى پاراقشاسىندا پاتسيەنتتىڭ اراعا 48 كۇن سالىپ ۆيرۋس قارماعىنا قايتا تۇسكەنىن جازىپتى. يۆاساكي نەۆادالىقتىڭ اعزاداعى قورعانىش قىزمەتى ونى قورعاپ قالا الماعانىن, ەكىنشى رەتىندە اۋرۋدىڭ اۋىرىراق جۇرگەنىن حابارلاعان.
ەگەر ەستەرىڭىزدە بولسا, بۇدان بۇرىن قىتايدا دا كۆي-دەن قايتالاپ اۋرۋ تىركەلگەنى جايلى جازعان ەدىك. ال ەندى ەۋروپادا ەكى, گونكوگتە ءبىر رەت قايتالاۋ انىقتالدى.
گونكونگتەگى 33 جاسار ەر ادام COVID-19-مەن 4 جارىم اي بۇرىن اۋىرىپ جازىلىپ شىققان ەكەن. دارىگەرلەر ونىڭ قايتالاپ ۆيرۋس شىرماۋىنا ءتۇسۋىن يسپانياعا بارعان ساپارىنا بايلانىستى دەيدى. ويتكەنى بۇل جولعى ۆيرۋس شتاممى العاشقىسىنان وزگەشە, ەۋروپادا شىلدە-تامىز ايلارىندا بيلىك جۇرگىزگەن ۆيرۋس شتاممىنا وتە ۇقساس دەگەن ۇيعارىم ۇستانىپ وتىر.