الماتى قالاسى قوعامدىق دامۋ باسقارماسى مەن بوستاندىق اۋدانى اكىمدىگىنىڭ قولداۋىمەن جاستار مەن جاستار ۇيىمدارى ءۇشىن الەۋمەتتىك الاڭ ۇسىنۋ ماقساتىندا بوستاندىق اۋدانىندا "Almaty jastary" جاستار رەسۋرستىق ورتالىعى اشىلدى, دەپ حابارلايدى Egemen.kz
جاستار رەسۋرستىق ورتالىعى جاستارعا قىزمەت كورسەتۋ ورتالىعى قاعيداتى بويىنشا (جۇمىسقا ورنالاستىرۋ, تۇرعىن ءۇي ماسەلەلەرى, مەملەكەتتىك باعدارلامالار, كاسىپكەرلىك جانە ت.ب.) جۇمىس ىستەيتىن بولادى.
جاستار رەسۋرستىق ورتالىعىندا "اتامەكەن" ۇكپ, الماتى قالاسى اكىمدىگىنىڭ حالىقتى جۇمىسپەن قامتۋ ورتالىعى جانە "تۇرعىن ءۇي قۇرىلىس جيناق بانكى" اق قىزمەتكەرلەرى جۇگىنگەن جاستاردى قولداۋ بويىنشا كەڭەس بەرەدى.
سونداي-اق, قولدانىستاعى مەملەكەتتىك باعدارلامالار, جاستارعا ارنالعان مۇمكىندىكتەر جانە قالادا جۇرگىزىلىپ جاتقان رەفورمالار, جاس وتباسىلار اراسىندا اجىراسۋدىڭ الدىن الۋ, NEET ساناتىنداعى جاستارمەن جۇمىس, جاستارعا ءانونيمدى پسيحولوگيالىق كومەك كورسەتۋ, جاستار مەن جاستار ۇيىمدارىنا قۇقىقتىق, ادىستەمەلىك كومەك كورسەتۋ تۋرالى كەڭەستەر وتكىزىلەدى.
سونىمەن قاتار, ورتالىق قىزمەتكەرلەرى بوستاندىق اۋدانىنىڭ جاستارىنا كوللەدجدەر مەن جوعارى وقۋ ورىندارىنا ءتۇسۋ, سونداي-اق ستۋدەنتتەر ءۇشىن جاتاقحانا الۋ ماسەلەلەرى بويىنشا كەڭەس بەرمەك.
قىزمەت كورسەتۋ ساپاسىن جاقسارتۋ ءۇشىن call-ورتالىق قۇرىلادى, ول اۋدان جاستارىنا ونلاين رەجيمدە كەڭەس بەرەدى.
ايتا كەتۋ كەرەك, بۇگىنگى تاڭدا قالانىڭ بارلىق اۋدانىندا «شەتسىز قالا» قاعيداتى بويىنشا وڭتۇستىك استانانى دامىتۋ شەڭبەرىندە جاستار رەسۋرستىق ورتالىقتارى اشىلدى.
"ەڭبەك" باعدارلاماسى اياسىندا جرو اشىلعان العاشقى كۇنى-اق بوستاندىق اۋدانىنىڭ 50 جاس تۇرعىندارى "جاستار پراكتيكاسى" مەن "قوعامدىق جۇمىستار" ارقىلى قالىپتاستى.