بيىل قىزىلوردادا مال ۇرلىعىنىڭ تىركەلۋى بىلتىرعى جىلمەن سالىستىرعاندا 37,4 پايىزعا ازايعان. وتكەن جىلى وسىنداي وقيعا 230 رەت رەت تىركەلسە, بيىل 144 بولىپ وتىر, دەپ حابارلايدى Egemen.kz.
پوليتسەيلەر مالدارى جوعالعان تۇرعىنداردىڭ كەش حابار بەرۋى قىلمىستىڭ اشىلۋىن كەشتەتە تۇسەتىنىن ايتىپ وتىر. دەر كەزىندە حابارلانسا, جەدەل شارالار قابىلدانىپ, ۇرىلار دا اياعىن تارتا تۇسەر ەدى.
جۋىردا جالاعاش اۋدانىنىڭ تۇرعىنى اقسۋ اۋىلىنىڭ سىرتىندا جايىلىمنان 2 قويىنىڭ ۇرلانعاندىعى جونىندە پوليتسياعا شاعىم ءتۇسىردى. اۋىل تۇرعىنىنا كەلتىرىلگەن شىعىن كولەمى 80 مىڭدى قۇرادى.
كوپ ۇزاتپاي ۇرى قولعا ءتۇستى. پوليتسەيلەر تەكسەرۋ بارىسىندا كۇدىكتى ازاماتتىڭ جايىلىمداعى قويلاردى "لادا" ماركالى اۆتوكولىگىمەن ۇرلاعاندىعىن انىقتادى.
قازىرگى ۋاقىتتا قازاقستان رەسپۋبليكاسى قىلمىستىق كودەكسىنىڭ 188-1-بابىنىڭ 1-بولىگىمەن سوتقا دەيىنگى تەرگەپ-تەكسەرۋ امالدارى جۇرگىزىلۋدە.
شيەلى اۋدانىنىڭ كەزەكشى بولىمىنە تاجىباەۆ اۋىلىنىڭ تۇرعىنىنان 20 تامىزعا قاراعان ءتۇنى "بۋرحان" شارۋا قوجالىعىنىڭ مال اۋلاسىنان 4 قوي ۇرلانعانى تۋرالى ارىز كەلىپ ءتۇستى.
وسىدان كەيىن پوليتسيا دەرەۋ ىزدەۋ جۇمىستارىن باستادى. جەرگىلىكتى تۇرعىنداردان سۇراستىرۋ جۇمىستارىن جۇرگىزىپ, بارلىق دالەلدەردى جيناقتاپ, كۇدىكتىلەردى انىقتادى. ولار سول اۋىلدىڭ ەكى تۇرعىنى بولىپ شىقتى.
ولار ءوز كىناسىن تولىق مويىندادى. قازىرگى تاڭدا سوتقا دەيىنگى تەرگەپ-تەكسەرۋ امالدارى جۇرگىزىلۋدە. ۇرلانعان قوي يەسىنە قايتارىلدى.