2020 جىلعى 28 تامىزدان باستاپ "City Transportation Systems" جشس جانە "Astana taxi service" جشس قالا تۇرعىندارى مەن قوناقتارىن بەتپەردە تاعۋ رەجىمىن ساقتاۋ تۋرالى ەسكەرتۋدىڭ جاڭا ءادىسىن ىسكە قوسادى, دەپ حابارلايدى Egemen.kz
Astana taxi service كليەنتتەردى قۇلاقتاندىرۋ جۇيەسى اۆتوحابارلاۋشى جانە push-حابارلاما ارقىلى COVID-2019 قارسى تۇرۋ شارالارى تۋرالى اقپارات تاراتادى.
ماتىندە "نازار اۋدارىڭىز! قر سانيتارلىق دارىگەرىنىڭ 2020 جىلعى 26 ماۋسىمداعى № 43 قاۋلىسىنا سايكەس كولىكتە (سونىڭ ىشىندە تاكسيدە) مىندەتتى تۇردە بەتپەردە تاعۋ كەرەك", دەلىنگەن. 3 تامىزدان باستاپ, ياعني قوعامدىق كولىك جۇمىسى قايتا جاندانعاننان, CTS كولىكتىك باقىلاۋ دەپارتامەنتىنىڭ قىزمەتكەرلەرى جولاۋشىلاردىڭ باس مەملەكەتتىك سانيتارلىق دارىگەرىنىڭ قاۋلىسىن ورىنداۋىن, اتاپ ايتقاندا بەتپەردە تاعۋىن كۇندەلىكتى باقىلايدى.
بەتپەردە تاعۋ رەجىمىن ساقتامايتىن جولاۋشىلارعا ءتۇسىندىرۋ جۇمىستارى جۇرگىزىلەدى. بەتپەردە تاعۋدان باس تارتقان جاعدايدا, ولاردى اۆتوبۋستان ءتۇسۋ سۇرالادى. تامىز ايىندا CTS كولىكتىك باقىلاۋ دەپارتامەنتىنىڭ قىزمەتكەرلەرى 2, 3 مىڭ جولاۋشىعا ەسكەرتۋ جاسادى, 557 جولاۋشى اۆتوبۋستان شىعارىلدى.
ەسكەرتەمىز, كوروناۆيرۋستىڭ تارالۋىنا قارسى تۇرۋ ءۇشىن قازاقستان تۇرعىندارى بەتپەردەنى جابىق ورىنداردا, سونداي-اق كولىكتە جانە كوشەدە تاعۋى كەرەك.