ارناۋلى الەۋمەتتىك قىزمەتتەر كورسەتۋ ساپاسىن ارتتىرۋ ماقساتىندا قازاقستاندا العاش رەت مەديتسينالىق-الەۋمەتتىك مەكەمەلەردىڭ (بۇدان ءارى – ءمام) ماماندارىن پسيحونەۆرولوگيالىق اۋرۋلارى بار بالالار مەن ەرەسەكتەردى وڭالتۋ بويىنشا ونلاين-وقىتۋ جۇرگىزىلەدى. جوبا اعىمداعى جىلعى قىركۇيەك ايىنىڭ ورتاسىندا 28 ءمام-دە باستالادى. بۇل تۋرالى ەڭبەك مينيسترلىگىنىڭ ءباسپاسوز قىزمەتىنە Egemen.kz سىلتەمە جاساي وتىرىپ حابارلايدى.
سەمينارلاردى قر ەڭبەك جانە حالىقتى الەۋمەتتىك قورعاۋ مينيسترلىگى نۇرسۇلتان نازارباەۆ قورى جانىنداعى "قامقورلىق قورى" كورپوراتيۆتىك قورىنىڭ قولداۋىمەن ۇيىمداستىرادى. سەمينارلار تسيكلىن مۇگەدەكتىگى بار ادامداردىڭ "كەڭەس" الەۋمەتتىك بەيىمدەۋ جانە ەڭبەكپەن وڭالتۋ ورتالىعى قوعامدىق بىرلەستىگى ازىرلەدى.
جوباعا ستاتسيونار جاعدايىندا قىزمەت كورسەتەتىن مەملەكەتتىك مەكەمەلەردىڭ ماماندارى قاتىسادى. ولارعا مەكەمە ديرەكتورى, ادىسكەر, پسيحولوگ, لوگوپەد, دەفەكتولوگ مۇعالىمدەر, تاربيەشىلەر, جاتتىعۋ تەراپياسى جونىندەگى ينسترۋكتورلار جانە ت. ب. كىرەدى.
ونلاين كۋرستان ءوتىپ, ءمام ماماندارى قامقورلىققا الىنعان ادامداردى وزىنە-ءوزى قىزمەت كورسەتۋ, جەكە گيگيەنا, الەۋمەتتىك-تۇرمىستىق باعدارلانۋ جانە ت.ب. سياقتى الەۋمەتتىك ماڭىزدى داعدىلارعا ۇيرەتە الادى. سونىمەن قاتار, الىنعان ءبىلىم نەگىزىندە ءمام ماماندارى ءوز وڭىرلەرىندە الەۋمەتتىك قىزمەتكەرلەردى ودان ءارى وقىتادى.