مەملەكەت باسشىسىنىڭ وكىمىمەن ارداق اشىمبەك ۇلى قازاقستان رەسپۋبليكاسى مەملەكەتتىك كۇزەت قىزمەتى باستىعىنىڭ ورىنباسارى – ايرىقشا ماقساتتاعى كۇشتەردىڭ قولباسشىسى بولىپ تاعايىندالدى. بۇل تۋرالى اقوردانىڭ ءباسپاسوز قىزمەتى حابارلايدى, - دەپ جازادى Egemen.kz
ارداق اشىمبەك ۇلى 1977 جىلى جامبىل وبلىسىندا دۇنيەگە كەلگەن.
1999 جىل مەن 2013 جىل ارالىعىندا قازاقستان رەسپۋبليكاسى رەسپۋبليكالىق ۇلانىنىڭ قاتارىندا جانە قازاقستان رەسپۋبليكاسى پرەزيدەنتى كۇزەت قىزمەتىندە ءارتۇرلى وفيتسەرلىك باسشىلىق لاۋازىمداردا قىزمەت اتقارعان.
2013 جىلى قازاقستان رەسپۋبليكاسى پرەزيدەنتىنىڭ وكىمىمەن قازاقستان رەسپۋبليكاسى پرەزيدەنتى كۇزەت قىزمەتى باستىعىنىڭ ءبىرىنشى ورىنباسارى – پرەزيدەنتتىڭ قاۋىپسىزدىك قىزمەتىنىڭ باستىعى بولىپ تاعايىندالدى. ال 2014 جىلدىڭ ساۋىرىنەن بۇگىنگە دەيىن مەملەكەتتىك كۇزەت قىزمەتى باستىعىنىڭ ورىنباسارى – قازاقستان رەسپۋبليكاسىنىڭ تۇڭعىش پرەزيدەنتى – ەلباسىنىڭ قاۋىپسىزدىك قىزمەتىنىڭ باستىعى بولعان.
ءىى دارەجەلى "ايبىن" وردەنىمەن, قر پرەزيدەنتىنىڭ اتىنان جانە پكق العىستارمەن, "قر ۇقك اسكەري ينستيتۋتىنا 75 جىل" ارناۋلى مەرەيتوي توسبەلگىسىمەن, "100 لەت ۆچك-كگب" مەدالمەن, "قر مكق قۇرمەتتى قىزمەتكەرى" ءتوس بەلگىسىمەن, ۆەدومستۆولىق 10 مەدالدارىمەن, قازاقستان رەسپۋبليكاسى پرەزيدەنتى كۇزەت قىزمەتىنىڭ قۇرمەت گراموتاسىمەن ماراپاتتالعان.
وتباسىلى, ءۇش قىزى مەن ءبىر ۇلى بار. گەنەرال-مايور اتاعىن يەلەنگەن.