الەۋمەتتىك مەديتسينالىق ساقتاندىرۋ قورى كاسىپكەرلەر ءجيى قوياتىن ساۋالدارعا جاۋاپ بەردى

-ايناگۇل حابدونعاليقىزى, ءمامس ءۇشىن تولەمدەردى  1 قازانعا دەيىن كىم تولەمەيدى جانە كىمدەر ءۇشىن جەڭىلدىك كەزەڭى 1 شىلدەدە اياقتالدى؟

1 ساۋىردەن 1 شىلدەگە دەيىن الەۋمەتتىك مەديتسينالىق ساقتاندىرۋ قورىنا جارنا اۋدارۋدان بوساتىلعان ءىرى كاسىپكەرلىك سۋبەكتىلەرى, مىناداي قىزمەت تۇرلەرى بويىنشا:

- اۆتوموبيلدەردى, جەڭىل اۆتوكولىك قۇرالدارىن, مىسالى, موتوتسيكلدەردى, اۆتوموبيل بولشەكتەرىن, توراپتاردى جانە كەرەك-جاراقتاردى بولشەك ساۋدادا ساتۋ;

- ءىرى ساۋدا جەلىلەرىندەگى, ستاتسيونارلىق ساۋدا وبەكتىلەرىندەگى, ساۋدا وبەكتىلەرى بولىپ تابىلاتىن مامانداندىرىلماعان دۇكەندەردەگى بولشەك ساۋدا ء(دارىحانالاردى, تاماق ونىمدەرىن, سۋسىندار مەن تەمەكى بۇيىمدارىن ساتۋدى قوسپاعاندا);

-  اۆتوموبيلدەردى جوندەۋ جانە تەحنيكالىق قىزمەت كورسەتۋ (جول بويىنداعى جولاقتا ورنالاسقان تەحنيكالىق قىزمەت كورسەتۋ ستانتسيالارىندا  جۇرگىزگەن جۇمىستاردى قوسپاعاندا);

- اۋە جولاۋشىلار كولىگى;

- ورنالاسۋعا-تۇرۋعا ارنالعان قىزمەت كورسەتەتىن قوناقۇيلەر جانە سولارعا ۇقساس ورىندار;

- مەيرامحانالار قىزمەتى جانە تاماق ونىمدەرىن جەتكىزىپ بەرۋ قىزمەتى;

- جەكە نەمەسە جالعا الىنعان جىلجىمايتىن م ۇلىكتى جالداۋ جانە باسقارۋ, سونىمەن قاتار كوممەرتسيالىق ءۇي-جايلاردى جالعا بەرۋ قىزمەتتەرى,

1 ساۋىردەن 1 قازانعا دەيىن, 29 قىزمەت ءتۇرى بويىنشا  شاعىن جانە ورتا بيزنەس سۋبەكتىلەرى ءمامس جارناسىن تولەۋدەن بوساتىلادى جانە ولاردىڭ جۇمىسكەرلەرىنىڭ «مەديتسينالىق ساقتاندىرىلعان» مارتەبەسى ساقتالادى. ولار:

زاڭ كەڭەسشىلەرى, نوتاريۋستار, ادۆوكاتتار, جەكە سوت ورىنداۋشىلارى, مەدياتورلار;  كوممەرتسيالىق قىزمەت جانە باسقارۋ ماسەلەلەرى بويىنشا كەڭەسشىلەر; تۋريستتىك اگەنتتىكتەر مەن تۋروپەراتورلار; سانيتارلىق-ەپيدەميولوگيالىق, اۋرۋحانالىق جانە ساناتورلىق-كۋرورتتىق ۇيىمدار; جەكە مەنشىك مەكتەپكە دەيىنگى, باستاۋىش جانە ورتا وقۋ ورىندارى; جەكە دارىگەرلىك پراكتيكا, ستوماتولوگيا; كونتسەرت جانە تەاتر زالدارى; فيتنەس-كلۋبتار; توقىما جانە تەرى بۇيىمدارىن جۋ جانە حيميالىق تازالاۋ ورىندارى; شاشتارازدار جانە ءسان سالوندارى.

جەڭىلدىك كەزەڭى (1 قاڭتاردان 1 شىلدەگە دەيىنگى) اياقتالعاننان كەيىن جارنا اۋدارىمداى بويىنشا قارىزدار ساقتالا ما؟

ءيا. قر زاڭىنا سايكەس, ازاماتتار 1 ساۋىرگە دەيىن شارتتى تۇردە ساقتاندىرىلعان بولىپ سانالدى. بىراق ەلدە توتەنشە جاعداي جاريالانۋىنا بايلانىستى, مىندەتتى الەۋمەتتىك مەديتسينالىق ساقتاندىرۋ جۇيەسىندە مەديتسينالىق كومەك الۋ قۇقىعى ساقتاندىرىلعان-ساقتاندىرىلماعانىنا قاراماستان بارلىق ازاماتتار ءۇشىن قولجەتىمدى بولاتىن جەڭىلدىك كەزەڭى 2020 جىلدىڭ 1 شىلدەسىنە دەيىن ۇزارتىلعان بولاتىن. جەڭىلدىكتى كەزەڭىندە جارنا تولەۋ كەيىنگە قالدىرىلادى, بىراق ولاردى تولەۋ مىندەتتەمەلەرى جويىلمايدى. ياعني, «مىندەتتى الەۋمەتتىك مەديتسينالىق ساقتاندىرۋ تۋرالى» زاڭنىڭ 5-بابى 3-تارماعىنا سايكەس, قورعا اۋدارىمدار جانە (نەمەسە) جارنالار تولەمەگەن تۇلعالار مىندەتتى الەۋمەتتىك مەديتسينالىق ساقتاندىرۋ جۇيەسىندە مەديتسينالىق كومەك الۋ قۇقىعىن الۋ ءۇشىن قورعا تولەنبەگەن كەزەڭ ءۇشىن, بىراق تولەۋ كۇنىنىڭ الدىنداعى ون ەكى ايدان اسپايتىن مەرزىمدە جارنالاردى تولەۋگە مىندەتتى. سوندىقتان جۇمىس بەرۋشىلەر, قىزمەتكەرلەرى ءمامس پاكەتىن پايدالانۋ مۇمكىندىگىنە يە بولۋى ءۇشىن, وتكەن 6 اي ءۇشىن جارنا اۋدارۋلارى قاجەت. دەگەنمەن, قر ۇكىمەتىنىڭ 2020 جىلعى 20 ساۋىردەگى № 224 قاۋلىسىنىڭ نەگىزىندە ءىرى كاسىپكەرلىك سۋبەكتىلەرى ءۇشىن وسى جىلدىڭ 1 ساۋىرىنەن باستاپ 1 شىلدەسىنە دەيىن, ال شاعىن نەمەسە ورتا كاسىپكەرلىك (شوك) سۋبەكتىلەرى ءۇشىن 1 ساۋىردەن باستاپ 1 قازانعا دەيىن ءمامس جۇيەسىنە اۋدارىمدار (جارنالار) تولەۋدەن بوساتاتىن جەڭىلدىك كەزەڭى بەلگىلەندى.

- جۇمىسكەرلەر ءۇشىن اۋدارىمدار مولشەرى قانداي؟

جۇمىس بەرۋشى ءوز جۇمىسكەرى ءۇشىن ولاردىڭ تابىسىنىڭ 2% مولشەرىندە جارنا اۋدارادى, جانە دە جۇمىسكەركەردىڭ ەسەپتەلگەن جالاقىسىنان 1% ۇستاپ قالادى

- جۇمىس بەرۋشىگە ءوز قىزمەتكەرلەرى ءۇشىن ۋاقىتىلى اۋدارىم جاساماعانى نەمەسە تولىق تولەمەگەنى ءۇشىن ءوسىمپۇلدار نەمەسە ايىپپۇلدار (ەسەپتەلە مە) قوسىلا ما؟

ءيا. ءوز قىزمەتكەرلەرى ءۇشىن جارنا اۋداراتىن جۇمىس بەرۋشىلەر ءۇشىن ءمامس بويىنشا بەرەشەك ءۇشىن تولەم كۇنىن قوسا العاندا, مەرزىمى وتكەن ءاربىر كۇن ءۇشىن بەرەشەك سوماسىنىڭ 1,25% مولشەرىندە ءوسىمپۇل كوزدەلگەن. ەگەر جۇمىس بەرۋشى قىزمەتكەرگە اقى تولەمەسە نەمەسە ونى ۋاقىتىلى جاساماسا, قىزمەتكەر ءمامس پاكەتىنەن مەديتسينالىق كومەك الا الماسا, ونىڭ مارتەبەسى اۆتوماتتى تۇردە «ساقتاندىرىلماعان» بوپ وزگەرەدى.

- جۇمىس بەرۋشى جارنالاردى جەكە كاسىپكەر رەتىندە ءوز بەتىنشە اۋداراتىن قىزمەتكەر ءۇشىن نەمەسە ازاماتتىق-قۇقىقتىق سيپاتتاعى شارت بويىنشا جۇمىس ىستەيتىن قىزمەتكەر ءۇشىن جارنا اۋدارۋى ءتيىس پە؟

ءيا. جۇمىس بەرۋشى, قىزمەتكەرىنىڭ قوسالقى الەۋمەتتىك مارتەبەسى بولۋىنا قاراماستان, ءوز مىندەتتەمەلەرىنە سايكەس, ول ءۇشىن جارنا اۋدارادى. ال قىزمەتكەر ءوزى ءۇشىن, جەكە كاسىپكەر رەتىندە 1,4 ەتج-ءنىڭ 5%-ى نەمەسە 2 975 تەڭگە مولشەرىندە, نە ازاماتتىق-قۇقىقتىق سيپاتتاعى شارت بويىنشا جۇمىس ىستەيتىن قىزمەتكەر رەتىندە شارت بويىنشا الاتىن تابىسىنىڭ 1%-ى مولشەرىندە جارنا اۋدارىپ وتىرادى. بۇل رەتتە بارلىق كوزدەردەن الىناتىن سالىق سالىناتىن جيىنتىق تابىس 10 ەتج-دەن نەمەسە 425000 تەڭگەدەن اسپاۋى ءتيىس.

- 1 قازانعا دەيىن قىزمەتكەرلەرى ءۇشىن جارنا اۋدارۋدان بوساتىلعان كاسىپورىنداردىڭ قىزمەتكەرلەرى ءمامس جۇيەسىندە مەديتسينالىق كومەك الا الا ما؟

يا, بارلىق مەديتسينالىق كومەكتى الا الادى. 1 قازانعا دەيىن, پاندەمياعا بايلانىستى شەكتەۋ شارالارىن ەنگىزۋدەن زيان شەككەن ەكونوميكا سەكتورلارىندا قىزمەت كورسەتەتىن شاعىن جانە ورتا بيزنەس سۋبەكتىلەرىنىڭ قىزمەتكەرلەرىنە, الەۋمەتتىك مەديتسينالىق ساقتاندىرۋ قورىنا بەرىلگەن تىزىمدەرگە سايكەس, «ساقتاندىرىلعان» مارتەبەسى بەرىلەدى.