ءتورت جەرلەسىمىز ايقاسادى

اسىلجان باقىتجان ۇلى مەن ارتەم رەزنيكوۆ الماتىدا ىرگە­تاسى قالانعان «الاش پرايد» كلۋ­بىنىڭ مۇشەلەرى. ەكەۋى دە ءبىراز ۋاقىتتان بەرى ورەلى ونەرىمەن كوز­گە ءتۇسىپ ءجۇر. «ساق» دەگەن لاقاپ اتپەن وكتاگونعا شىعىپ جۇرگەن 30 جاستاعى قانداسىمىز الاتاۋ باۋ­رايىندا دۇنيەگە كەلدى. اسىلجان بۇرىندارى تاەكۆوندومەن شۇعىلداندى. ارالاس جەكپە-جەكپەن اينالىسقانىنا بەس جىلدان استى. سول ۋاقىت ارالىعىندا 11 كەزدەسۋ وتكىزىپ, تەك بىرەۋىندە عانا ۇتىلدى. 2018 جىلدىڭ مامىر ايىندا باقىت­جان ۇلى رەسەيلىك ءمۇسىلىم ما­گومەدوۆكە ەسە جىبەرگەنى ەسىمىز­دە. سوڭعى ءۇش باسەكەنى سانكت-پە­تەربۋرگ, گروزنىي جانە الما­تى قالالارىندا وتكىزىپ, ۆاسي­لي بابيچ, الەكسەي ستويان جانە دا­نيەل تولەدو سىندى ساڭ­لاق­تارعا سان سوقتىردى. قازاق سپورت­­شىسى ءوزىنىڭ 10 جەڭىسىنىڭ سەگى­زىندە قارسىلاستارىن ەسىنەن تاندىردى.

ماسكەۋدە اسىلجان رەسەيلىك الەكسەي بۋتورينمەن ايقاسادى. 34 جاستاعى سانكت-پەتەربۋرگ قالا­سىنىڭ تۋماسى كەزىندە تايبوكس, كيكبوكس جانە ۋشۋ-ساندامەن شۇعىلدانعان. 2009 جىلدان بەرى ارالاس جەكپە-جەكتەن 19 كەزدەسۋ وتكىزىپ, 15 رەت جەڭىس تويىن تويلادى. 14 باسەكەنى مەرزىمىنەن بۇرىن اياقتادى. جار­تىلاي اۋىر سالماقتىڭ (93,0 كيلو) رەيتينگىندە قوس سپورتشى قاتار تۇر. ۇزدىكتەر تىزىمىندە بۋتو­رين ءۇشىنشى ورىندى يەلەنسە, با­قىتجان ۇلى ءتورتىنشى ساتىعا جايعاستى.

– بۇل وتە شيەلەنىستى باسەكە بولاتىنى ءسوزسىز. سەبەبى, اسىل­جان دا, الەكسەي دە تىك تۇرىپ اي­قاسۋ­دىڭ شەبەرى. بايقاپ قاراس­اڭىزدار, ولاردىڭ سوڭعى سەكۋند­تارعا دەيىن ايقاسقان ساتتە­رى سيرەك. قوس سپورتشى دا ءوز با­سە­كە­لەرىن مەرزىمىنەن بۇرىن اياق­تاپ ءجۇر. ولاي بولسا, ماس­كەۋ­دە ءبىز ناعىز جان الىسىپ, جان بە­­رىس­كەن ايقاستىڭ كۋاسى بولامىز, – دەيدى «الاش پرايد» كلۋ­بىنىڭ پرەزيدەنتى دانيار قاس­قاراۋوۆ.

جەڭىل سالماقتاعى (70,4 كي­لو) ارتەم رەزنيكوۆ شىعىس قازاقستان وبلىسىنىڭ ريددەر قالاسىندا تۋىپ-ءوستى. جاسى 28-دە. 2011 جىلدان بەرى وسى سپورت تۇرىنە مىقتاپ دەن قويدى. بارلىعى 27 مارتە ايقاس الاڭىنا شىققان ول 21 رەت مەرەيى ۇستەم بولدى. 17 باسەكەدە ايقىن با­سىمدىق تانىتتى. سوڭعى ءۇش جىلدا جەتى كەزدەسۋ وتكىزگەن رەزنيكوۆ سولاردىڭ بارلىعىن ءوز پاي­داسىنا شەشتى. اسا رەيتين­گىن­دە ارتەم التىنشى ورىندا تۇر.

رەسەي استاناسىندا ارتەم كاراتە مەن جاۋىنگەرلىك سامبونى ەركىن مەڭگەرگەن چەشەنستاندىق يۋسۋف رايسوۆپەن كۇش سىناسادى. گروزنىيداعى «احماد» كلۋبىندا جاتتىعاتىن 28 جاستاعى سپورتشى 17 باسەكەنىڭ تەك بىرەۋىندە عانا ۇتىلدى. وسىدان ءتورت جىل بۇرىن رايسوۆ ءوزىنىڭ وتانداسى مارات بالاەۆقا ۇپاي سانىمەن ەسە جىبەرگەن ەدى. قالعان كەزدەسۋلەردە ونىڭ مىقتىلىعى ەش كۇمان تۋعىزعان جوق. 10 كەزدەسۋدى ول مەرزىمىنەن بۇرىن اياقتادى. ۇزدىكتەر تىزىمىندە يۋسۋف ەكىنشى ورىنعا تابان تىرەدى.

– بۇل مەنىڭ كوپتەن كۇتكەن جەكپە-جەگىم. سول سەبەپتى دە ايتۋلى جارىسقا تىڭعىلىقتى دايارلاندىم. ءسوز جوق, يۋسۋف رايسوۆ وتە مىقتى سپورتشى. بىراق مەن بارىمدى سالامىن. باسەكە تاع­دىرىن شەشۋدى تورەشىلەردىڭ قۇزىرىنا قالدىرماي, قارسى­لاسىمدى ايقىن ۇتۋعا تىرىسامىن, – دەپ ارتەم الداعى جوسپارىمەن ءبولىستى.

سول كەشتە نۇربەرگەن ءشارى­پوۆ پەن گەورگي كيچيگين دە ءوز ونەرلەرىن ورتاعا سالادى دەگەن اقپارات بار. اسا جەڭىل سالماقتا كۇش سىناسىپ جۇرگەن اتىراۋدىڭ ارلانى سپورتتىڭ بۇل ءتۇرىن 2014 جىلدان بەرى سەرىك ەتۋدە. سول ارالىقتا 11 مارتە ايقاس الاڭىنا شىعىپ, 9 رەت باسىمدىق تانىتتى. ءتورت كەزدەسۋدى مەرزىمىنەن بۇرىن اياقتادى. ول Samara MMA Federation, Titan FC جانە TKFC دودالارىندا باق سىنادى. سوڭعى جەكپە-جەگىن بىلتىرعى جىلدىڭ قىركۇيەك ايىندا ازەربايجاندىق كەنان جافارليگە قارسى وتكىزىپ, ۇپاي سانىمەن جەڭىسكە جەتتى. بۇل – نۇربەرگەننىڭ اسا-داعى العاشقى باسەكەسى. ال گەورگي كيچيگين رە­سەيدە تۋىپ-ءوسىپ, قازاق­ستانعا قونىس اۋدارعان سپورت­شى. ول 25 كەز­دەسۋدىڭ 15-ءىن ءوز پايداسىنا شەشتى.

ماسكەۋدەگى اسا 111 ءتۋر­ني­رىنىڭ باستى جەكپە-جەگى جەڭىل سالماقتاعى (70,4 كيلو) چەشەن­ستاندىق ابدۋل-ازيز ابدۋل­ۆاحابوۆ پەن ومبىلىق الەكساندر سارناۆسكي اراسىندا وتەدى. گروزنىيدىڭ تۋماسى كەزىندە وسى ۇيىمنىڭ چەمپيونى بولعان. ءوزىنىڭ 19 كەزدەسۋىنىڭ تەك ەكەۋىندە عانا جەڭىلىس تاپتى. بۇل جارىستا قازاقستاندىقتار سار­ناۆسكيگە جانكۇيەر بولاتىنى ءسوزسىز. سەبەبى, 31 جاستاعى ايتۋلى سپورتشى ءبىزدىڭ ەلدە تۋىپ-ءوستى. انىقتاپ ايتساق, ول سولتۇستىك قازاقستان وبلىسىندا دۇنيەگە كەلدى. ايقاس الاڭىنا 44 مارتە شىققان الەكساندر 37 رەت جەڭىسكە جەتتى.