ەم-دومعا قولداناتىن كۋشەتكا ساتامىن دەپ حابارلاندىرۋ بەرگەن تۇرعىنعا كوپ كەشىكپەي بولاشاق كليەنتتەن سۇرانىس تۇسەدى. تاۋاردى كورمەي, تەك الدارقاتىپ ارنەمەسىن سۇراپ, سوسىن: «ماعان بانك كارتوچكاڭىزدىڭ نومەرىن ايتا قويىڭىز, مەن اقشاڭىزدى اۋدارا قويايىن» دەيدى «الۋشى». ودان ارعى ارەكەتتەر كومەسكى. بىردەڭەدەن سەكەم العان ايەل بانك مەنەدجەرىنە تەلەفون سوعىپ, ءوزىنىڭ ەسەپشوتىنداعى وپەراتسيالار تۋرالى سۇراعاندا ۇلكەن سومانىڭ الىنعانىن ەستىپ, ساندى ءبىر-اق سوعادى. ال «ساتىپ الۋشىعا» حابارلاسسا ونىڭ تەلەفونى ءسوندىرۋلى بولعان. قازىر الاياق قۇربانىنىڭ ارىزى بويىنشا ىزدەستىرۋ شارالارى جاسالۋدا.
ءدال وسى كۇنى تاعى ءبىر پەتروپاۆلدىق ءوزىنىڭ ينتەرنەت-الاياقتىڭ قۇربانى بولعانىن ايتىپ پوليتسياعا شاعىم بەرگەن. بىراق بۇل جولى الاياق ءىزىن سۋىتپاي ۇستالدى. ول وسىنداي قىلمىسپەن بۇرىن دا بەلگىلى بولعان 1998 جىلى تۋعان جابىرلەنۋشىنىڭ تانىسى بولىپ شىقتى. جابىرلەنۋشىنىڭ قۇجاتتارىنداعى دەرەكتەرىن الداۋ جولىمەن قولىنا ءتۇسىرىپ العان ول ءوزىنىڭ ارام ويىن ىسكە اسىرعان. «الاياقتاردىڭ بارلىق تۇرلەرى ازاماتتاردىڭ اڭعالدىقتارىن پايدالانادى. قانداي جاعداي بولماسا دا, جەكە باسى جانە قارجىسى تۋرالى اقپارتتى بوتەن ادامدارعا بەرۋگە بولمايدى. ولارعا: جەكە باسىن كۋالاندىراتىن قۇجات, جسن, تولەم كارتوچكالارىنىڭ دەرەكتەمەلەرى جاتادى. كۇدىك تۋىنداعان جاعدايدا بىردەن بانك بولىمشەسىنە نەمەس call-ورتالىعىنا حابارلاسۋ قاجەت. سونىمەن بىرگە ينتەرنەت-الاياقتاردىڭ قۇرىعىنا تۇسسەڭىز, شۇعىل پوليتسياعا جۇگىنگەن ءجون», - دەيدى سقو پد باستىعىنىڭ ورىنباسارى رۋسلان نازاروۆ.