الماتى اكىمى باقىتجان ساعىنتاەۆ شاھارداعى ءبىلىم نىساندارىنىڭ قۇرىلىس بارىسىمەن تانىستى, دەپ حابارلايدى Egemen.kz.
جۇمىس ساپارى بارىسىندا قالا اكىمى پايدالانۋعا بەرىلەتىن اۋەزوۆ اۋدانىنىڭ «مامىر» ىقشاماۋدانىنداعى 1200 ورىندى جانە تۇركسىب اۋدانىنداعى «نۇرشاشقان» ىقشاماۋدانىنداعى 600 ورىندى مەكتەپتەردە بولدى. بۇلاردان وزگە, باقىتجان ساعىنتاەۆ مەكتەپتەر جانىنان سالىنعان بوستاندىق اۋدانىنداعى 300 ورىندى, الاتاۋ اۋدانىنىڭ «قاراسۋ» ىقشاماۋدانىنداعى 192 ورىندى, مەدەۋ اۋدانىنىڭ «دۋمان» ىقشاماۋدانىنداعى 850 ورىندى جاڭا قوسالقى نىسانداردى ارالاپ كوردى. سونىمەن قاتار, اكىم №5 مۋزىكا مەكتەبىنىڭ 350 ورىندى جاڭا عيماراتىندا جانە جاقىن كۇندەرى اشىلعان كوپبەيىندى مۋزىكا ورتالىعىندا بولدى.
مەكتەپتەردى ارالاپ شىققان ب. ساعىنتاەۆ ءبىلىم وشاقتارىنىڭ اينالاسىن اباتتاندىرۋعا, جاسىلداندىرۋعا, كىرەبەرىس جولدار مەن تروتۋارلاردى سالۋعا جانە جوندەۋگە قاتىستى بىرقاتار تاپسىرمالار بەردى. ايتا كەتەرلىگى, قالا اكىمى وقۋ ورىندارى ديرەكتورلارىنىڭ نازارىن كەزەكشى سىنىپتاردا سانيتارلىق-ەپيدەميولوگيالىق ەرەجەلەردى قاتاڭ ساقتاۋ قاجەتتىگىنە اۋداردى.
«جاڭا نىساندار مەكتەپتەگى وقۋشىلار تىعىزدىعىن ازايتۋعا مۇمكىندىك بەرەدى. مىسالى, «دۋمانداعى» مەكتەپتەردە وقۋشىلاردىڭ ورىن تاپشىلىعى ماسەلەسى شەشىمىن تاپتى. ال «نۇرشاشقانداعى» بۇل قۇرىلىس تۇركسىب اۋدانىنىڭ باسقا مەكتەپتەرىنە تۇسەتىن جۇكتەمەنى ازايتۋعا مۇمكىندىك بەرەتىن العاشقى سالىنعان نىسان», - دەپ اتاپ ءوتتى ب. ساعىنتاەۆ.
جالپى, اعىمداعى جىلى ەكى مەكتەپ پەن بەس قوسالقى نىسانداردىڭ پايدالانۋعا بەرىلۋى ارقاسىندا 3, 8 مىڭنان استام وقۋشى ورنى قۇرىلدى. قالا تۇرعىندارىنىڭ قارقىندى ءوسۋىن ەسكەرە وتىرىپ, مەكتەپتەردىڭ جانىنان 1925 ورىندى جاڭا قوسالقى نىساندار سالۋ جالعاساتىن بولادى. سونىمەن قاتار, 26 مىڭ ورىنعا جۋىق مەكتەپتەر مەن قوسالقى نىساندار سالۋ جوسپارلانعان. 2240 ورىندى ءتورت جەكە مەكتەپ اشۋ جوسپارلانىپ وتىر.