وسىمدىكتەر بيولوگياسى جانە بيوتەحنولوگياسى ينستيتۋتى مولەكۋلالىق بيولوگيا زەرتحاناسىنىڭ مەڭگەرۋشىسى ديليارا گريتسەنكو اعزادا ۆيرۋستى انىقتاۋدىڭ ءمان-جايى تۋرالى ايتتى, دەپ حابارلايدى Egemen.kz قازاقپاراتقا سىلتەمە جاساپ.
"تەستىلەۋدىڭ ينفەكتسياعا قاتىستى سەزىمتالدىعى تومەن ەكەندىگى تۋرالى كوپ ايتىلدى. پتر ءتاسىلى كوروناۆيرۋس ينفەكتسياسىن انىقتاۋمەن قاتار, ايتۆ مەن ۆيرۋستى گەپاتيتتى انىقتاۋ ءۇشىن پايدالانىلىپ كەلەدى. وسى تەستىلەردىڭ كومەگىمەن ناۋقاستاردى ەسەپكە قويۋ ىسكە اسىرىلىپ, ۆيرۋستىق احۋال انىقتالادى", دەدى ول كوروناۆيرۋستىڭ ەكىنشى تولقىنىڭ ءجۇرۋ مۇمكىندىگىن تالقىلاۋعا ارنالعان ونلاين جيىندا.
ماماننىڭ ايتۋىنشا, كوروناۆيرۋس ينفەكتسياسى كۇدىگىمەن ادامداردىڭ قاي كەزەڭدە كەلەتىندىگى ماڭىزدى بولىپ وتىر.
"ينكۋباتسيالىق كەزەڭدە ۆيرۋستى انىقتاۋ ايتارلىقتاي قيىن. 5-تەن 14 كۇنگە دەيىن سوزىلاتىن ينكۋباتسيالىق كەزەڭدە سيمپتومدار پايدا بولعانشا ۆيرۋستىڭ قارقىندى كوبەيۋى بولادى. سيمپتومداردان كەيىن بەسىنشى, التىنشى كۇندە ۆيرۋستىق جۇكتەمە تومەندەي باستايدى. پنەۆمونيا ءارى ۆيرۋستى ەتيولوگياسى بار ادامداردىڭ كوبىسى وزدەرىندە كوروناۆيرۋس انىقتالماعانىن, الايدا بارلىق سيمپتومدار كوروناۆيرۋس ينفەكتسياسىنا ۇقساس ەكەنىن ايتتى. وكىنىشكە قاراي, وسى كەزەڭدە ۆيرۋستىق جۇكتەمە تومەندەيدى, سونداي-اق باكتەريالدىق بەلگىلەر بايقالادى. وسى جاعدايدا انىقتاۋ قيىنعا تۇسەدى", دەدى د. گريتسەنكو.
ونىڭ سوزىنەشە, ۆيرۋستى ينفەكتسيالارعا قاتىستى تەكسەرۋ كۇردەلىلەۋ. سونىمەن قاتار ديگنوستيكاسى دا قيىنداۋ, سەبەبى ۆيرۋستاردىڭ مۋتاتسياسى وتە جىلدام جۇرەدى.