باتىس قازاقستان وبلىسىندا "اشىق اكىمدىك" جوباسى اياسىندا مەملەكەتتىك قىزمەتتەردى الۋعا ارنالعان تاعى ءبىر الاڭ اشىلدى. بۇل تۋرالى حابار 24-كە سىلتەمە جاساي وتىرىپ Egemen.kz حابارلايدى.
ەندى تاسقالا اۋدانىنىڭ تۇرعىندارى ءۇشىن مەملەكەتتىك قىزمەتتى ىڭعايلى فورماتتا جانە كەزەكسىز الۋعا مۇمكىندىك تۋدى. اۋدان ورتالىعىندا حالىققا قىزمەت كورسەتۋ ورتالىقتارىنىڭ جۇمىسى بويىنشا تۇرعىن ءۇي-كوممۋنالدىق شارۋاشىلىعى, جەر قاتىناستارى, قارجى بولىمدەرى مەن احاج قىزمەتىن الۋعا بولادى. وڭىردە جىل باسىنان بەرۋ ەكى مىڭنان استام مەملەكەتتىك قىزمەت كورسەتىلدى.
ازاماتتار اراسىندا الەۋمەتتىك تولەمدەردى الۋ, كوممۋنالدىق تولەمدەردى وتەۋ, ەلەكتروندى ساندىق قولتاڭبا الۋ قىزمەتتەرى كەڭ تاراعان. بۇگىندە تاسقالا اۋدانىندا "اشىق اكىمدىك" قاعيداتى بويىنشا بەس قۇرىلىم جۇمىس ىستەيدى. ولاردىڭ ۇشەۋى اۋىلدىق جەرلەردە ورنالاسقان. بەكسۇلتان بيساليەۆ, تاسقالا اۋدانى اكىمدىگى اپپاراتىنىڭ ءبولىم باسشىسى: "ەلەكتروندىق تسيفرلىق قولتاڭبا الۋ وتە قيىن كەيبىر ازاماتتار ءۇشىن, مۇمكىمدىگى, ينتەرنەتى, كومپيۋتەرى. سوندىقتان ءبىز وسى جەردە ءوزىمىزدىڭ قىزمەت كورسەتۋ سەكتورىندا ەلەكتروندىق تسيفرلىق قولتاڭبانى ونلاين تۇردە تۇرعىندار ءۇشىن الىپ بەرىپ وتىرمىز", دەيدى ول.
ءبىرجان حايرۋللين, سىبايلاس جەمقورلىققى قارسى بقو دەپارتامەنتى پرەۆەنتسيا جانە پاراساتتىلىق باسقارماسىنىڭ باسشىسى: "پرەزيدەنتتىڭ تاپسىرماسىنا سايكەس اعىمدىعى جىلى كورسەتىلەتىن مەملەكەتتىك قىزمەتتەردىڭ 90% ەلەكتروندىق تۇرگە كوشۋ كەرەك, قالعانى وسى "ەلەكتروندى ۇكىمەت", eGov پورتالى, حالىققا قىزمەت كورسەتۋ ورتالىقتارى جانە وسى جاڭا ايتقانداي "اشىق اكىمدىكتەر". ياعني بۇل جەردە حالىقتىڭ اراسىنا قىزمەت كورسەتۋشى مەن قىزمەت الۋشىنىڭ تىكەلەي بايلانىسى بولمايدى. ءبىز تۇرمىستىق جەمقورلىقتى جويامىز", دەيدى باسقارما باسشىسى.
قازاقستانداعى جانە الەمدەگى سوڭعى جاڭالىقتاردى ءبىرىنشى بولىپ وقۋ ۇشىن Telegram جەلىسىندە بىزگە جازىلىڭىز.