اقپارات جانە قوعامدىق دامۋ ءمينيسترى ايدا بالاەۆا پرەزيدەنت تەلەراديوكەشەنىنىڭ YouTube ارناسىنداعى «بالاەۆاعا 3 سۇراق» باعدارلاماسىندا رەسپۋبليكالىق «Egemen Qazaqstan» گازەتىنىڭ ديرەكتورلار كەڭەسىنە مۇشە بولۋى مەن وتاندىق تەلەارنالار جايىندا اڭگىمەلەدى.
بۇعان دەيىن حابارلانعانداي, بيىل شىلدە ايىنىڭ سوڭىندا ا.بالاەۆا «Egemen Qazaqstan» گازەتىنىڭ ديرەكتورلار كەڭەسىنە جانە «قازمەديا ورتالىعى» باقىلاۋشىلار كەڭەسىنىڭ قۇرامىنا ەنگەن بولاتىن. وسىعان قاتىستى مينيستر ء«ار قوسىمشا جۇكتەمەنىڭ ءوز جاۋاپكەرشىلىگى بارى انىق. اقپارات مينيسترلىگىن باسقارىپ وتىرعاننان كەيىن ەلىمىزدەگى ەڭ بەدەلدى مەديا قۇرىلىمداردىڭ ىشىندەگى پروتسەستەردى قاداعالاپ وتىرۋ كەرەك. «Egemen Qazaqstan» – 100 جىلدىق تاريحى بار باسىلىم. بۇگىنگى تاڭدا 185 مىڭ وقىرماندى قامتىپ وتىر. ەلدە بولىپ جاتقان تىنىس-تىرشىلىكتىڭ بارلىعىن وسى «Egemen Qazaqstan» مەن «كازاحستانسكايا پراۆدا» گازەتتەرى ارقىلى بىلۋگە بولادى. «قازمەديا ورتالىعى» – 10-نان استام ءىرى باق رەداكتسياسى شوعىرلانعان ۇلكەن ورتالىق. وسى ەكى ۇيىمداعى ىشكى پروتسەستەردىڭ بارلىعىن دەر كەزىندە كورىپ وتىرۋ, شەشىم قابىلداۋ, كوكەيكەستى ماسەلەلەر بولسا, ونى بىرگە شەشىپ وتىرۋ ءۇشىن وسىنداي شەشىم قابىلداندى. مەنىڭ ويىمشا, بۇل – ءداستۇرلى دۇنيە», دەدى.
اقپارات جانە قوعامدىق دامۋ ءمينيسترى سونداي-اق جاڭا ماۋسىمنان باستاپ شەتەلدىك ويىن-ساۋىق كونتەنت پەن سەريالداردى ساتىپ الۋ 30 پايىزعا قىسقاراتىنىن ءسوز ەتتى. «تەلەارنالار جۇمىسىنا قاتىستى سىندارلى, ورىندى سىن مەن ۇسىنىس كوپ بولدى. ولاردىڭ بارلىعىن ەسكەرىپ, تەلەارنالار باعدارلاماسىن قايتا قاراپ شىقتىق. ويىن-ساۋىق باعدارلامالارى مەن تەلەحيكايالاردىڭ شامادان تىس ەكەنى ايتىلدى. جاڭا ماۋسىمنان باستاپ شەتەلدىك ويىن-ساۋىق كونتەنتى مەن سەريالداردى ساتىپ الۋدى 30 پايىزعا قىسقارتامىز دەگەن شەشىمگە كەلدىك. بۇل سەريالدار مۇلدە بولمايدى دەگەن ءسوز ەمەس. ياعني بۇل باعىتتى قولدايتىن اۋديتوريانىڭ دا مۇددەسى ەسكەرىلەدى. ەلىمىزدىڭ الەۋمەتتىك-ەكونوميكالىق جايىنان حابار بەرەتىن ءتول باعدارلامالارىمىز دايىندالادى. اسىرەسە, مەملەكەتتىك ۇيىمداردىڭ جۇمىسى مەن مەملەكەتتىك باعدارلامالاردىڭ ورىندالۋىن تۇسىندىرۋگە باسىمدىق بەرىلەدى», دەي كەلە مينيستر ء«ال-فارابي» ارناسى ىسكە قوسىلمايتىنىن حابارلادى.
باعدارلاما بارىسىندا ا.بالاەۆا Kazakh TV ارناسىنىڭ اتى وزگەرتىلۋى مۇمكىن ەكەنىن جەتكىزدى. «ەلارنا» تەلەارناسى مادەنيەت جانە ءبىلىم سالاسىنا قاتىستى اقپارات تاراتا باستايتىنىن مالىمدەدى. سونىمەن بىرگە «قازىرگى ەكونوميكالىق جاعدايعا بايلانىستى قولدا بار رەسۋرستى بارىنشا قولدانۋ كەرەك دەگەن شەشىم قابىلداندى», دەدى مينيستر.
وعان قوسا اقپاراتتىق-تالداۋ ورتالىعى جانىنان ەكى تەلەارنانىڭ كونتەنت ساپاسىن باقىلاۋعا ارنالعان ارنايى ءبولىم اشىلاتىنى ءمالىم بولدى. قۇرىلىم ءونىم ساپاسىن, مازمۇنى مەن جۇرگىزۋشىلەردىڭ سويلەۋ مانەرىن, اۋدارمانىڭ دالدىگىن قاداعالا- ماق.