«جايىلىمدار تۋرالى» زاڭ كۇشىنە ەنگەننەن بەرى بيىل سقو-دا سونىڭ نەگىزىندە قولداعى مالدى باعۋدىڭ جاڭا ەرەجەلەرى ءوز كۇشىنە ەندى, - دەپ حابارلايدى Egemen.kz.
پوليتسەيلەر بۇل ەرەجەلەردى مال ۇرلىعىنا جول بەرمەۋدىڭ پروفيلاكتيكاسىندا ماڭىزدى قادام دەپ وتىر. ەرەجەلەردە تۇڭعىش رەت زاڭدى تۇردە «قاڭعىعان مال» تۇسىنىگى ەنگىزىلدى. ەندى قاڭعىرتىپ جىبەرگەن مالى ءۇشىن يەلەرى اكىمشىلىك جاۋاپكەرشىلىككە تارتىلادى. بۇدان بىلاي مالدى تەك ۇيىمداستىرىلعان تۇردە عانا باعۋ قاجەت. ەگەر يەلەرى مالدارىن باقتاشى جالداپ باققىزسا, وندا جەرگىلىكتى باسقارۋ ورگانىنى, مال يەسى جانە باقتاشى ءۇش جاقتى شارت جاساسۋعا مىندەتتى. بۇل باقتاشىنىڭ مال يەسى الدىنداعى مىندەتتەمەسىنە كەپىل دە بولا الادى.
جاڭا پرينتسيپتەردى ەنگىزۋدە مامليۋت اۋدانى پوليتسيا ءبولىمىنىڭ قىزمەتكەرلەرى بەلسەندى جۇمىستار اتقارىپ كەلەدى. مۇندا جەرگىلىكتى اتقارۋشى ورگانداردىڭ قاراجاتىنا كاسىپكەرلەردىڭ قولداۋىمەن 11 ارنايى ورىن جاسالدى, بۇل جەرلەرگە قاڭعىرىپ, يەسىز جۇرگەن مالدار قامالادى. باسقاشا ايتقاندا بۇل مالدىڭ «ايىپ تۇراعى» ىسپەتتەس.
جۋىردا پوليتسەيلەر مەڭكەسەر كولى ماڭىندا جايىلىپ, باقتاشىسىز, يەسىز, بوس جۇرگەن 12 باس جىلقىنى كورىپ, قۋىپ اكەلىپ وسىنداي ورىنداردىڭ بىرىنە قامادى. ويتكەنى, يەسىز مال سۋىق قولدى ادامداردىڭ قولدى قىلۋىنا جول بەرىپ, قىلمىس جاسالۋى مۇمكىن ەدى.
مامليۋت اۋدانى پب باستىعى, پوليتسيا پودپولكوۆنيگى سەرىك ءالجانوۆتىڭ ايتۋىنا قاراعاندا بۇل مالداردىڭ ەن تاڭباسى دا بولماعان. مۇنىڭ ءوزى ولاردىڭ يەلەرىن ىزدەستىرۋدە قيىندىق تۋعىزادى. «جانۋارلار ۇرلانعان نە جوعالعان جاعدايدا يەلىك قۇقىعىن دالەلدەۋ قيىنعا سوعۋشى ەدى»,- دەيدى ول.
اۋىلداستاردان حابار العان جانۋارلاردىڭ يەلەرى كەشكە جاقىن كەلىپ, اكىمشىلىك قۇقىق بۇزۋشىلىق تۋرالى كودەكستىڭ 408-بابى بويىنشا ايىپپۇل تولەگەن سوڭ, جىلقىلارىن الىپ كەتكەن. ولاردىڭ ءبارى مەڭكەسەر اۋىلىنىڭ تۇرعىندارى ەكەن.
«باقتاشىسىز ەركىن جايىلعان مال ۇرىلاردىڭ ولجاسى بولادى, سونىمەن بىرگە جانۋارلار اۆتوموبيل جولدارىنا شىعىپ كەتىپ, اپاتتى جاعداي تۋدىرىپ جاتادى. ءسويتىپ, پوليتسيا بولىنىستەرىنىڭ كۇشتەرىن بارىنشا جۇمىلدىرۋعا, باسقا قىلمىستاردى تەرگەپ-تەكسەرۋىنە كەدەرگى كەلتىرەدى. سوندىقتان مۇنداي قۇبىلىستاردى توقتاتقان ءجون», - دەيدى سقو پد باستىعىنىڭ ورىنباسارى, پوليتسيا پولكوۆنيگى رۋسلان نازاروۆ.
قازىر باقتاشىلار جانە جەرگىلىكتى اكىمدىكتەرمەن ءۇش جاقتى شارت جاساسقان شارۋاشىلىقتاردىڭ باسىم بولىگىندە مال ۇرلىعى كۇرت ازايعان. سونىمەن بىرگە جاڭا ەرەجە بويىنشا مالداردى مىندەتتى تۇردە تاڭبالاۋ مەن بيركالاۋ كەرەك. بۇرىن مۇنداي تالاپ تەك ۇسىنىمدىق سيپاتتا بولاتىن. كەيبىر شەكتەۋلەر دە ەنگىزىلگەن, ماسەلەن, اۋرۋ مالدى جايىلىمعا جىبەرۋگە تىيىم سالىنادى. سونداي-اق, مال ايداۋ, مالدى سۋارۋ سياقتى مال جايۋدىڭ باسقا دا شارتتارى رەتتەلگەن. قازىر وبلىستا قاڭعىرعان مالداردى ۋاقىتشا قامايتىن, جەرگىلىكتى اتقارۋشى ورگان ەسەبىنەن ۇستالاتىن, 54 ورىن ازىرلەنگەن. ولارعا وسى ۋاقىتقا دەيىن 88 تۇياق مال قامالعان.