قىزىلوردادا تۇرعىندارعا مەديتسينا قىزمەتكەرلەرىنىڭ بىلىكتىلىگىن ارتتىرۋ كۋرستارىن اياقتاعاندىعى تۋرالى جالعان سەرتيفيكات ساتقان الاياق ۇستالدى. وبلىس پوليتسەيلەرىنىڭ جەدەل-ىزدەستۋرى شارالارى ارقاسىندا قولعا تۇسكەن ول شيەلى اۋدانىنىڭ 36 جاستاعى تۇرعىنى بولىپ شىقتى, - دەپ حابارلايدى Egemen.kz.
قازىر ونىڭ وسىنداي جەلەۋمەن 6 تۇرعىنعا جالعان سەرتيفيكات بەرگەنى انىقتالىپ وتىر. الاياقتىڭ بۇل ارەكەتىنەن جابىرلەنۋشىلەرگە 200 مىڭ شاماسىندا ماتەريالدىق زالال كەلتىرىلگەن.
كۇدىكتىگە قاتىستى «ەشقايدا كەتپەۋ جانە ءتيىستى مىنەز-ق ۇلىق تۋرالى قولحات» تۇرىندەگى بۇلتارتپاۋ شاراسى قولدانىلدى.
اتالعان دەرەكتەر بويىنشا قازاقستان رەسپۋبليكاسى قىلمىستىق كودەكسىنىڭ 190-بابىنىڭ 3-بولىگىنىڭ 4-تارماعىنا سايكەس سوتقا دەيىنگى تەرگەپ–تەكسەرۋ امالدارى جۇرگىزىلۋدە.
قازاقستانداعى جانە الەمدەگى سوڭعى جاڭالىقتاردى ءبىرىنشى بولىپ وقۋ ۇشىن Telegram جەلىسىندە بىزگە جازىلىڭىز.