ءۇش ايدىڭ ىشىندە 253 قىزىلوردالىق ارمەنيادان اكەلىنگەن كولىكتەردى تىركەدى. بۇل تۋرالى Polisia.kz-كە سىلتەمە جاساي وتىرىپ Egemen.kz حابارلايدى.
قازاقستان رەسپۋبليكاسى ۇكىمەتىنىڭ اعىمداعى جىلعى 20 مامىرداعى № 306 قاۋلىسىن ساپالى ىسكە اسىرۋ ماقساتىندا 1 ماۋسىمنان باستاپ ارمەنيا رەسپۋبليكاسىنان اكەلىنگەن كولىك قۇرالدارىن تىركەۋ بويىنشا جۇمىستار جۇرگىزىلۋدە, ىشكى ىستەر مينيسترلىگىنىڭ قاۋلىسىنا سايكەس كولىكقۇرالدارىن تىركەۋ الگوريتمى ازىرلەندى. قاۋلىدا ارمەنيا رەسپۋبليكاسىندا ءبىزدىڭ ازاماتتارىمىزعا تىركەلگەن جانە 2020 جىلدىڭ 1 اقپانىنا دەيىن قازاقستانعا اكەلىنگەن بىرقاتار اۆتوموبيلدەردى تولەمدەردى, تولەمەي تىركەۋ كوزدەلگەن.
مۇنداي اۆتوموبيلدەردى تىركەۋ مامانداندىرىلعان حالىققا قىزمەت كورسەتۋ ورتالىقتارىندا اعىمداعى جىلدىڭ 1 قىركۇيەگىنە دەيىن جۇزەگە اسىرىلادى. ءۇش ايعا جۋىق ۋاقىتتا قىزىلوردا قالاسىنىڭ 253 تۇرعىنى ارمەنيا رەسپۋبليكاسىنان اكەلىنگەن كولىك قۇرالدارىن مامانداندىرىلعان حالىققا قىزمەت كورسەتۋ ورتالىعىنا قاجەتتى قۇجاتتاردى ۇسىنىپ, 11946 تەڭگە تولەمدەرىن تولەۋ ارقىلى ءوز كولىك قۇرالدارىن تىركەدى.
تىركەلگەن اۆتوموبيلدەر قازاقستاندا شەكتەۋسىز,تەحنيكالىق بايقاۋدان ءوتۋ (جالپى تارتىپتە) جانە كولىك سالىعىن تولەۋ مۇمكىندىگىمەن پايدالانىلۋى مۇمكىن. مامانداندىرىلعان حالىققا قىزمەت كورسەتۋ ورتالىعىندا قىزىلوردا وبلىسى پوليتسيا دەپارتامەنتىنىڭ اكىمشىلىك پوليتسيا باسقارماسىنىڭ قىزمەتكەرلەرىمەن تۇرعىندارعا كەڭەس بەرىلىپ, Call – ورتالىعى (تەل: 8-7242-29-77-44) ارقىلى تۇسىندىرمە جۇمىستارى جۇرگىزىلۋدە. تىركەۋ جۇمىستارىنىڭ تاياپ قالعانىن ەسكەرە وتىرىپ, قىزىلوردا وبلىسىنىڭ پوليتسيا دەپارتامەنتى ارمەنيا رەسپۋبليكاسىنان اكەلىنگەن اۆتوكولىكتەردى زاڭمەن كوزدەلگەن مەرزىمدە تىركەپ ۇلگەرۋلەرىڭىزدى سۇرايدى.
قازاقستانداعى جانە الەمدەگى سوڭعى جاڭالىقتاردى ءبىرىنشى بولىپ وقۋ ۇشىن Telegram جەلىسىندە بىزگە جازىلىڭىز.