كارديولوگيا جانە ىشكى اۋرۋلار عىلىمي-زەرتتەۋ ينستيتۋتىنىڭ پسيحوتەراپەۆتى راشيد ازيزوۆتىڭ ايتۋىنشا, كوروناۆيرۋس پاندەمياسى ءتان دەنساۋلىعىنا قاۋىپ توندىرگەننەن باسقا مەنتالدىق دەنساۋلىق سالاسىنداعى پروبلەمالارعا دا تۇرتكى بولىپ, حالىقتىڭ ۇرەيىن ارتتىردى.
ۇرەيلەنۋ ميدا قوزۋ وشاعىن قۇرۋعا قابىلەتتى بولادى دا, بۇل جۇمىلدىرۋ ۆەگەتاتيۆتىك پروتسەستەرىن بەلسەندەندىرە وتىرىپ, جۇيكە جۇيەسىنىڭ بەلگىلى ءبىر قۇرىلىمى ارقىلى اعزادا كۇيزەلىس گورموندارىنىڭ كاسكادتىق شىعارىلۋىنا جول بەرەدى. ناتيجەسىندە ءتۇرلى كۇيزەلىس رەاكتسيالارى تۋىندايدى. ولار ءارتۇرلى كورىنىستەرمەن, ياعني ءومىر ءسۇرۋ ساپاسىن تومەندەتۋگە اسەر ەتەتىن جەڭىل ۇرەيلەنۋ كۇيىنەن باستاپ بايبالام سالۋعا دەيىن, ال كەيدە ادامنىڭ بەيىمسىزدىككە شالدىعۋ پروتسەسىنە دەيىن اسەر ەتۋىمەن ايقىندالادى.
سوزىلمالى كۇيزەلىس پسيحوسوماتيكالىق بۇزىلۋلاردىڭ, ونىڭ ىشىندە جۇرەك-قانتامىر جۇيەلەرىنىڭ پاتولوگياسىن ايقىنداپ, دامۋىنا اكەلەدى. ونىڭ پسيحوەموتسيالىق جاعدايدىڭ كۇشەيۋىمەن بولاتىن سەبەپ-سالدار بايلانىسى كوپتەگەن عىلىمي-زەرتتەۋدە كورسەتىلگەن.
سەرۋەندەۋ, سپورتپەن اينالىسۋ, بەيىندى ماماندارعا قارالۋ سەكىلدى كۇيزەلىسپەن كۇرەسۋدىڭ ادەتتەگى تاسىلدەرىنەن باسقا ەموتسيالىق كۇيزەلىس رەاكتسيالارى سالاسىنداعى دياگنوستيكالاۋ مەن تۇزەتۋدىڭ جەكە ادىستەمەسىنىڭ اۆتورى راشيد ازيزوۆ كۇيزەلىستى مەيلىنشە ءوز بەتىنشە جەڭىپ شىعۋدى جانە وزىنشە رەتتەۋ داعدىلارىن مەڭگەرۋدى ۇسىنادى. سوزىلمالى كۇيزەلىس ادامنىڭ پسيحيكالىق جانە فيزيولوگيالىق مۇمكىندىكتەرىنە كۇش سالادى, وسىنىڭ ناتيجەسىندە اعزا وزىنە بەرىلگەن جۇكتەمەلەرگە شاماسى كەلمەي قالادى.
ء«بىز بارلىق كۇيزەلىس فاكتورلارىنان تولىعىمەن قۇتىلا المايمىز. وسى سەكىلدى رەسۋرستار تاۋسىلماس ءۇشىن تۋىنداعان ارتىق كۇش جۇمساۋشىلىقتى ۇنەمى كۇيزەلىسكە قارسى ءىس-شارالارمەن ازايتىپ وتىرۋ قاجەت», دەيدى راشيد ازيزوۆ.
بۇگىندە ادامدارعا ارنالعان ءتۇرلى ادىستەمەلەردىڭ كەڭ ءتۇرى بار, اتاپ ايتقاندا, رەلاكساتسيانىڭ ءتۇرلى ادىستەرى, تىنىس الۋ پراكتيكاسى, ماسساج, ءتۇرلى سپا-پروتسەدۋرالار تۇرىندەگى فيزيوتەراپەۆتىك پروتسەدۋرالار, مەديتاتسيا جانە ت.ب.
قاجەت بولعان جاعدايدا پسيحوتەراپيا نەمەسە پسيحولوگيا سالاسىنداعى بەيىندى ماماندارعا قارالعان ءجون.